1 Samuel 18:8 - Manobo Western Bukidnon OT

⁸ Nepauk si Saul te nezineg din is kanta zan. Neisip din is, “Egkaǥi sikandan te tig-10,000 is nepatey ni David piru is kedì ne tig-1,000 zà. Ne sunud ne edhimuwen dan sikandin he hadì.”

1 Samuel 18:8 ပူးပေါင်းရင်းမြစ်များ

Genesis 37:11

Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

Genesis 37:8

Migkaǥi haazà is menge suled din te, “Hengkey? Egkehimu ka edhadì wey ebayàbayà kenami?” Umbe mid-iseg pa is kegkepeuki zan ki Jose.

1 Hadì 2:22

Migkaǥi si Hadì Solomon te, “Maan is edhengyuen nu he ipeesawa si Abishag ki Adonia? Kela ke edhengyuen nu zaan he iveǥey ku ziyà te kandin is ginhedian ku, su kakey ku sikandin ne edlavan kandin si Abiatar he memumuhat wey si Joab he anak ni Zeruya!”

Ester 3:5

Ne hein netuenan ni Haman he kenà edluhud si Mordecai te kedtahud kandin, utew sikandin nepauk.

Erubasa 13:10

Samuk dà is egketuvù pinaaǥi te kebpelavew. Ne is etew he metau, ebpesambag sikandin.

Erubasa 27:4

Ebpekezezaat is pauk wey rerangit, iyan, edhuna pa is kebpengelikud.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Numero 11:1

Ne midriklamu is menge Israilihanen mehitenged te kelised dan. Kegkezineǥa kayi te Nengazen, nepauk sikandin ne midretem din is hapuy he nekevinsul te nepipira he vahin te peliǥuy te kampu zan.

Numero 22:34

Migkeǥiyan ni Balaam haazà is belinsuǥuen te Nengazen te, “Nekesalà a! Wazè ku metueni he midhitindeg ke ves keniyan te ked-alang kedì. Emun mezaat diyà te kenikew is ebeelan ku, ne ed-ulì ad.”

1 Samuel 13:14

Piru kenè en heeyan egkehitavù, su zuen en naahà te Nengazen he etew he ebpemineg kandin, wey iyan edhimuwen din he ebpengulu te keet-etawan din tenged te wazè nu tumana is suǥù din.”

1 Samuel 15:28

Migkeǥiyan ni Samuel te, “Iring kayi is egkeulaula kenikew: egkuwaan guntaan te heini he andew te Nengazen diyà te kenikew is ginhedian te Israel ne ibeǥey zin te iring nu zed he Israilihanen he meupiya pa kenà sikew.

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 18:9

Umbe, puun dutun he andew ebenteyanan ni Saul si David su nesina sikandin.

1 Samuel 19:1

Migkeǥiyan ni Saul si Jonatan wey is langun he menge suluǥuen din he edhimetayan si David. Piru utew mibmahal ni Jonatan si David,

1 Samuel 20:31

Hein uuyag pa si David, kenè ka egkehimu he hadì. Guntaan, kuwaa nu sikandin ne zumaha nu kayi te kedì, su ereg sikandin he edhimetayan.”