1 Samuel 18:7 - Manobo Western Bukidnon OT

⁷ Iyan heini kanta zan: “Tignengkelibu is nepatey ni Saul, piru is ki David mulà tigsepulù he libu.”

1 Samuel 18:7 ပူးပေါင်းရင်းမြစ်များ

2 Samuel 18:3

Midtavak haazà is menge sakup din te, “Kenè en kinahanglan he meduma ke pa kenami. Su kenè key en idtetenged te menge kuntada ke ebpelaǥuy key, wey edhimetayan dan is ketengà kenami. Iyan dan pa ganì egkesuatan he iyan ke zan mepatey kenà ke iyan heini is tig-10,000 kayi te kenami. Umbe meupiya pa ke kayi ke zà pelintetaǥak te inged ne peuwiti key zà ke hengkey is igketavang nu kenami.”

2 Samuel 23:1

Si David he anak ni Jesse, midhimu he mevantug te Utew Lavew he Megbevayà. Mibpilì sikandin te Megbevayà ni Jacob he mehimu he hadì. Wey ebaal sikandin te menge kentahan te Israel. Iyan heini impeneltelaan din:

2 Samuel 6:5

Midsilibra si David wey is langun he etew te Israel ziyà te etuvangan te Nengazen te tivuuk dan he zesen. Nemenganta zan wey midtukar te menge alpa, lira, tamburin, kastanitas, wey simbal.

Exodus 15:21

Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”

1 Samuel 21:11

Migkaǥi is menge sineriǥan ni Akish kandin te, “Kenè be si David man heini is hadì diyà te lugar zin? Kenè be iyan sikandin kes egkevantug te menge vahi zutun te ebpemenayew sikandan wey ebpemenganta te, ‘Tignengkelibu is nepatey ni Saul, piru is ki David mulà tigsepulù he libu’?”

1 Samuel 21:12

Wazà maawà diyà te isip ni David is migkaǥi zan, ne nahandek sikandin ki Hadì Akish he hadì te Gat.

1 Samuel 29:5

Henduen be te iyan heini kes mibantug te menge vahi te Israel hein ebpemenayew sikandan wey ebpemenganta te, ‘Tignengkelibu is nepatey ni Saul, piru is ki David mulà tigsepulù he libu’?”