1 Samuel 18:6 - Manobo Western Bukidnon OT

⁶ Hein nepatey en ni David si Goliat ne nen-ulì is menge Israilihanen ne midsinuǥung si Saul te menge vahi he ebpuun te langun he inged he sakup te Israel. Melipayen dan he ebpemenganta wey edsesayew he zuen tamburin wey menge lira.

1 Samuel 18:6 ပူးပေါင်းရင်းမြစ်များ

2 Samuel 1:20

Kenà heini tudtula ziyà te inged he Gat, minsan diyà te menge zalan te inged he Ashkelon, su kela ke ikelipey zà heini te menge vahi te menge Filistihanen he wazà mekekilala te Megbevayà.

2 Samuel 6:5

Midsilibra si David wey is langun he etew te Israel ziyà te etuvangan te Nengazen te tivuuk dan he zesen. Nemenganta zan wey midtukar te menge alpa, lira, tamburin, kastanitas, wey simbal.

Salmo 149:3

Deliǥa niw sikandin duma is kedsayew wey kedtukar te tamburin wey menge alpa.

Salmo 68:11

Nenelaan ka, Nengazen, ne impenudtul haazà te mahabet he menge vahi:

Salmo 68:25

Edhuna is ebpemenganta, ne ebpehuziyan is ebpemenduyug te kanta, ne ziyà te pid-elangan dan iyan is menge raǥa he ebpezaǥing te menge tamburin.

Exodus 15:20

Si Miriam is etevey ni Aaron he ebpeneuven te Megbevayà, migkuwa sikandin te tamburin, ne iyan sikandin midhuna te menge vahi te kedtukar te tamburin ne nemenayew sikandan.

Exodus 15:21

Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”

Isaias 30:32

Edsurungen din sikandan. Ne kada sikandan edlegkuta te Nengazen ne eduyuǥan haazà te zaǥing te tamburin wey alpa.

Zatù 11:34

Ne hein mid-ulì si Jefta ziyà te Mizpa, midsinuǥung sikandin te anak din he vahi he ebpurung dà edsayewsayew is edtukar te tamburin. Budtung sikandin he anak ni Jefta.

1 Samuel 18:5

Midmelempusen si David te mibpeveelan kandin ni Saul, umbe midhimu ni Saul sikandin he egalen te menge sundaru. Nesuatan sikandin te menge etew minsan is menge upisyal ni Saul.