1 Samuel 18:21 - Manobo Western Bukidnon OT

²¹ Neisip din is, “Ibpeesawa ku si Mical ki David, ne edhimuwen ku sikandin he epan para mepatey si David te menge Filistihanen.” Umbe migkeǥiyan ni Saul si David te, “Duen pa penahun he egkehimu ku sikew he mekaamung.”

1 Samuel 18:21 ပူးပေါင်းရင်းမြစ်များ

Salmo 38:12

Edtuǥesen a te menge etew he egkesuat he edhimatey kedì. Ne sikan is egkesuat he ebpaantus kedì, midhisgutan dan is paaǥi te kedezeeti zan kedì. Tivuuk he andew is kebpelanu zan te kedluib kedì.

Exodus 10:7

Ne migkaǥi sikan is menge upisyal te hadì diyà te kandin te, “Ebpekesigudu en ebpekeveǥey kenitew te kezeetan heeyan he etew, umbe deyzey ke edtuǥutan nu en sikandan te kegenat su wey zan maazap is Nengazen he Megbevayè dan. Su isipa nu man, nezeetan en heini is Ehipto.”

Erubasa 29:5

Is etew he edigdiǥen din is duma zin, ne iring te ebaal te lelevù su wey meuney melelevù sikandin.

Jeremias 5:26

“Duen lalung he menge etew keniyan te menge etew ku he edtaǥad te egkebiktima zan, iring sikandan te etew he ebpenlitag te tagbis. Midlitag dan para melitag is duma he etew.

Jeremias 9:8

Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

1 Samuel 18:17

Ne zutun migkeǥiyan ni Saul si David te, “Andam ad he ibpeesawa ku kenikew is kinekekayan he anak ku he si Merab asal ibpeehè nu kedì is kevurut nu te kebpekidtebek para te Nengazen.” Diyà te isip ni Saul he te heini he paaǥi ne kenè en iyan sikandin ebpekepatey ki David ke kenà menge Filistihanen is ebpekepatey kandin.

1 Samuel 18:22

Netegteǥaad dutun midsuǥù ni Saul is menge sakup din he lelaǥi zan si David he wazà duma he egketau. Ibpekeǥiyan kandan te, “Egkesuatan ka utew te hadì wey is langun he menge suluǥuen din. Umbe pemineg ke en he ebmekeemungen din.”

1 Samuel 18:26

Hein midtudtul haazà dutun te menge suluǥuen ni Saul diyà te ki David, utew nesuat sikandin he mehimu he mekaamung te hadì. Umbe te wazè pa mauma is telaan ni Saul ki David,