1 Samuel 18:17 - Manobo Western Bukidnon OT

¹⁷ Ne zutun migkeǥiyan ni Saul si David te, “Andam ad he ibpeesawa ku kenikew is kinekekayan he anak ku he si Merab asal ibpeehè nu kedì is kevurut nu te kebpekidtebek para te Nengazen.” Diyà te isip ni Saul he te heini he paaǥi ne kenè en iyan sikandin ebpekepatey ki David ke kenà menge Filistihanen is ebpekepatey kandin.

1 Samuel 18:17 ပူးပေါင်းရင်းမြစ်များ

2 Samuel 11:15

Iyan heini taǥù dutun te surat din: “Iyan ibpehuna si Uria, emun hendei is dekelà he tebek, ne ewai niw en para mepatey sikandin.”

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 6:16

Hein idseled dan en haazà is Kavan te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edlinglingketew en is edsayew ziyà te etuvangan te Nengazen, ne neepes si Mical te mibeelan ni David.

Salmo 12:2

Langun he menge etew ne ebpemenarùtarù diyà te menge zuma zan. Egemiten dan is meungangen he menge lalag te kebpenlimbung dan.

Salmo 55:21

Menayù wey meupiya is kebpengaǥikaǥi zin, iyan, duen bes kedumut diyà te ǥehinawa zin, ne ibmesakit te ǥehinawa is menge lalag din, su iring heini te meǥarang he ispada.

Erubasa 26:24

Is kuntada, ne uvag meupiya is egkeǥiyen din, iyan, minsan pa ke egkepenù te mezaat is gehinawa zin, edtembunan din pinaaǥi te menge lalag din.

Erubasa 26:25

Minsan pa ke utew meupiya he ebpemineǥen is menge lalag din, kenà ereg he edtuuwan su utew mezaat is netaǥù diyà te gehinawa zin.

Erubasa 26:26

Egkehimu he edtembunan din is mezaat he menge tuyù din pinaaǥi te akal, iyan, egketuenan ded is kelelalung din te minsan hentei.

Numero 21:14

Iyan heeyan hinungdan ke maan is ingkesurat diyà te Libru te Guǥud te Kebpekidtebek te Nengazen is inged diyà te Waheb he sakup te Sufa, is menge zal-ug ragkes en is Arnon,

Numero 32:20

Migkeǥiyan sikandan ni Moises te, “Emun tutuu ziyà te ǥehinawa niw kayi te etuvangan te Nengazen is kebpekiduma niw te kebpekidtebek,

Numero 32:27

Piru sikami is ebpekehimu he ebpekidtebek edlayun key te Jordan te kebpekidtebek sumalà te mandù nu kenami zatù.”

Numero 32:29

Ke sikandin te, “Emun tutuu ziyà te ǥehinawa niw kayi te etuvangan te Nengazen he edlayun te Jordan is menge sakup te tribu ni Gad wey ni Reuben te kebpekidtebek, ne emun egkaaǥew niw en haazà is tanà, ne iveǥey niw kandan is tanà he Gilead he kandan he tanà.

Deuteronomio 17:7

Haazà is menge tistiǥus iyan edhuna edtuleng kandin te vatu, ne edsunud is kezekelan. Kinahanglan he id-awè niw haazà is mezaat he vaal pinaaǥi kayi.

1 Samuel 14:49

Is menge anak he maama ni Saul iyan si Jonatan, si Ishvi wey si Malkishua. Ne is menge anak din he menge vahi iyan si Merab he iyan kakey, ne si Mical, is hazi.

1 Samuel 17:25

Mibpetudtudtulà sikandan te, “Neehè niw ve kes etew he lelayun ebpenginggat kenitew te menge Israilihanen? Ebeǥayan kun te hadì te zekelà he suhul is ebpekepatey kandin. Ne kenà iyan dà heeyan, su ibpeesawa zin pa is anak din kandin, ne kenà ibpevayad te vuhis te Israel is pemilya zin.”

1 Samuel 17:36

Neveelan ku en heini ziyà te erimaung wey ziyà te bir, ne ebeelan ku zaan heini keniyan te Filistihanen he wazà medtuu te Megbevayà, tenged te edhinggaten din is menge sundaru te uuyag he Megbevayà.

1 Samuel 17:47

Is langun he nevurun kayi egketau he ebpekeluwas is Nengazen te keet-etawan din minsan wazà ispada wey vangkew, su is Nengazen iyan en ebpekidtebek, wey ibeǥey kew zin is langun kenami.”

1 Samuel 18:21

Neisip din is, “Ibpeesawa ku si Mical ki David, ne edhimuwen ku sikandin he epan para mepatey si David te menge Filistihanen.” Umbe migkeǥiyan ni Saul si David te, “Duen pa penahun he egkehimu ku sikew he mekaamung.”

1 Samuel 18:25

migkaǥi si Saul te, “Keǥiyi niw si David te iyan dà ebuyù en ku he sunggud te kebpengesawa zin te anak ku is menge lundis te purù te sudiyà te 100 he menge Filistihanen, he iyan kebpekevales ku kandan te menge kuntada ku.” Iyan haazà planu ni Saul para mepatey si David te menge Filistihanen.

1 Samuel 18:27

nenurung si David wey is menge sakup din te menge Filistihanen ne nekepatey zan te 200 he menge Filistihanen. Impekuwa zin is menge lundis te purù te sudiyà te menge Filistihanen ne mid-uwit dan diyà te hadì, su wey mehimu he mekaamung sikandin te hadì. Umbe impeesawa ni Saul si Mical ki David.

1 Samuel 25:28

Peseyluwa a kenikew te menge kegkurang ku. Siguradu he edhimuwen ka te Nengazen he hadì wey is menge kevuwazan nu, su mibpekidtebek ka tenged kandin. Deyzey ke kenè ka ebaal te mezaat te kemulu ke pa uuyag.

1 Samuel 30:26

Hein nekeuma ensi David diyà te Ziklag, impeuwit din diyà te menge pengulu te Juda he menge emiǥu zin is duma he menge naaǥew zan, duma zutun is lalag he: “Heini zed is ibeǥey ku keniyu he naaǥew zey ziyà te menge kuntada te Nengazen.”