1 Samuel 18:14 - Manobo Western Bukidnon OT

¹⁴ Midmezeeǥen si David te langun he menge vaal zin tenged te midumahan sikandin te Nengazen.

1 Samuel 18:14 ပူးပေါင်းရင်းမြစ်များ

Genesis 39:23

Haazà is egalen te pirisuwan, wazè en igkesemuki zin duen te langun he insarig din ki Jose su midtuvazan man si Jose te Nengazen ne mibpengelinteuwan din he layun meupiya is minsan hengkey he ebeelan ni Jose.

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Hadì 18:7

Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.

1 Cronica 18:13

Mibpevaal si David te menge kampu ziyà te Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

1 Cronica 18:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

2 Cronica 17:3

Eduma is Nengazen ki Jehoshafat su zutun te nehuna he menge tuig te kedhadì din ne midsunud din is menge ulaula te kepuun din he si David. Wazà sikandin medangep diyà te menge ledawan ni Baal,

Salmo 101:2

Ebpekevantey a para wazà igkesawey kedì. Keenu ke man edhendini te kediey? Ebpekevantey a para wazà igkesawey kedì kayi te ed-ubpaan ku.

Josue 6:27

Mibpekiduma ki Josue is Nengazen, ne nevantug sikandin seled te tivuuk he nasyun.

Zatù 1:19

Midtevangan te Nengazen is tribu ni Juda. Umbe nesakup dan is menge vuvungan, piru wazè dan mesegseg is menge meǥinged diyà te menge suǥud su heini he menge etew duen dan menge kerwahi he putew.

1 Samuel 10:7

Ne emun egketuman en heini, beeli nu en ke kengkey is meupiya, su zuma nu en is Megbevayà.

1 Samuel 16:18

Migkaǥi is sevaha zutun te menge suluǥuen din te, “Duen neehè ku he sevaha he anak ni Jesse he tig-Betlehem ne metau he edtukar te alpa. Gawas pa zutun, mevurut sikandin wey metau he ebpekidtebek. Mataid sikandin wey metau he ebpengaǥikaǥi, wey edtevangan sikadin te Nengazen.”

1 Samuel 18:15

Hein nezineg ni Saul he midmezeeǥen si David, utew sikandin nahandek.

1 Samuel 19:8

Neuma en maan is tebek te menge Filistihanen wey te Israilihanen, ne mibpenguluwan ni David te kebpekidtebek is menge sakup din. Mibpelehilas en si David dutun te kebpekidtebek dan, umbe nemekepelaǥuy is menge Filistihanen.

1 Samuel 3:19

Hein dekelè en si Samuel pedayun is kegiyahi kandin te Nengazen; ne minsan hengkey is egkeǥiyen ni Samuel mibpengelinteuwan te Nengazen he metuman.