1 Samuel 18:12 - Manobo Western Bukidnon OT

¹² Nahandek si Saul ki David su edumahan te Nengazen si David, ne sikandin mulà ne mid-ewaan en te Nengazen.

1 Samuel 18:12 ပူးပေါင်းရင်းမြစ်များ

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Cronica 17:3

Eduma is Nengazen ki Jehoshafat su zutun te nehuna he menge tuig te kedhadì din ne midsunud din is menge ulaula te kepuun din he si David. Wazà sikandin medangep diyà te menge ledawan ni Baal,

Salmo 51:11

Kena a kenikew segseǥa puun te etuvangan nu, ne kenè nu iawà kayi te kediey is waǥas he Mulin-ulin nu.

Salmo 53:5

Piru egkengeheratan sikandan. Egkeǥezam dan is kegkahandek he wazè dan pa keenu meseǥazi, su ibpeyapat te Megbevayà is menge tulan dan. Sikandan is menge edsurung keniyu te menge tig-Israel, ebpeel-elezan niw sikandan, su inselikwey sikandan te Megbevayà.

Hoseas 9:12

Minsan ebpekaanak sikandan, ne egkuwaan ku is langun he anak dan ne ebpekelalew kew. Mekehizuhizu kew emun ed-ewaan ku en sikiyu.

Zatù 1:19

Midtevangan te Nengazen is tribu ni Juda. Umbe nesakup dan is menge vuvungan, piru wazè dan mesegseg is menge meǥinged diyà te menge suǥud su heini he menge etew duen dan menge kerwahi he putew.

Zatù 16:20

Mibensag si Delila te, “Samson, duen menge Filistihanen he nekeuma su edekepen ke zan.” Ked-enew ni Samson kunaan din ke ebpekaawà sikandin pinaaǥi te kebeeli zin te iring duen te nehuna he mibeelan din. Wazè din metueni he mid-ewaan en sikandin te Nengazen.

1 Samuel 16:18

Migkaǥi is sevaha zutun te menge suluǥuen din te, “Duen neehè ku he sevaha he anak ni Jesse he tig-Betlehem ne metau he edtukar te alpa. Gawas pa zutun, mevurut sikandin wey metau he ebpekidtebek. Mataid sikandin wey metau he ebpengaǥikaǥi, wey edtevangan sikadin te Nengazen.”

1 Samuel 16:4

Midtuman ni Samuel is insuǥù kandin te Nengazen. Hein nekeume en sikandin diyà te Betlehem, ne midsinuǥung kandin is menge etew he edumala te inged is ebpengerkeren su egkengehandek. Mid-insè dan te, “Meupiya ve is tuud nu te kedhedini?”

1 Samuel 18:15

Hein nezineg ni Saul he midmezeeǥen si David, utew sikandin nahandek.

1 Samuel 18:20

Duen anak ni Saul he vahi he si Mical he mibmahal zin si David. Nezineg haazà ni Saul ne utew sikandin nesuat.

1 Samuel 18:29

utew sikandin egkahandek ki David. Wey pedayun is kegkuntedaha zin ki David te uuyag pa sikandin.

1 Samuel 20:13

Ne emun duen tuyù te amey ku te kedhimatey kenikew, ne kenè ku egkeǥiyen kenikew wey ka mekepelaǥuy, ne deyzey pa ke siluti ad te Nengazen te utew mereǥen. Berakat he iyan is Nengazen eduma kenikew iring te keduma zin te amey ku zengan.

1 Samuel 22:13

Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 28:15

Migkeǥiyan ni Samuel si Saul te, “Maan is midsamuk a kenikew pinaaǥi te ked-umawa nu kedì?” Midtavak si Saul te, “Duen dekelà he prublima ku. Mibpekidtebek kedì is menge Filistihanen ne mid-iniyuǥan a te Megbevayà. Wazè e zin en tevaka, minsan pinaaǥi zà te menge ebpeneuven wey te menge teǥeinep. Umbe impeumew ku sikew su wey a kenikew mekeǥiyi ke hengkey is ebeelan ku.”

1 Samuel 3:19

Hein dekelè en si Samuel pedayun is kegiyahi kandin te Nengazen; ne minsan hengkey is egkeǥiyen ni Samuel mibpengelinteuwan te Nengazen he metuman.