1 Samuel 17:52 - Manobo Western Bukidnon OT

⁵² Ne mid-uvayan te menge sundaru te Israel wey Juda he ebpemengulahì, ne midal-as dan is menge Filistihanen taman te Gat wey Ekron. Nekepeyapat is menge minatey wey menge tegepalì te menge Filistihanen diyà te zalan puun te Shaaraim taman te Gat wey Ekron.

1 Samuel 17:52 ပူးပေါင်းရင်းမြစ်များ

2 Samuel 23:10

piru sikandin, ne wazà mulà su kemulu zin en ebpenhimetayi is menge Filistihanen, taman te neluǥat en is belad din ne kenè en ebpekekayew te ispada. Impezaag sikandan te Nengazen te haazè dà he andew. Kes mibpemelaǥuy he menge Israilihanen nemenlikù dan diyà te ki Eleazar su ebpenguwaan dan kes menge ǥumaan te menge mibpematey.

1 Hadì 20:21

Iyan heeyan sikan is kedsurung eni Hadì Ahab te Israel. Mahabet he menge Aramihanen is mibpenhimetayan dan, ne mibpenguwa zan is menge kudà wey menge kerwahi te menge Aramihanen.

Josue 15:11

Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

Zatù 7:23

Ne impetawag ni Gideon is menge Israilihanen he sakup te tribu ni Naftali wey ni Asher, wey sakup te tivuuk he tribu ni Manase, ne impezal-as kandan is menge Midianhen.

1 Samuel 17:53

Hein nepasad dan te edal-as is menge Filistihanen, nenlikù dan ne mibpenguwa zan is azen he nengetaǥak diyà te kampu te menge Filistihanen.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”

1 Samuel 5:8

Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.