1 Samuel 17:50 - Manobo Western Bukidnon OT

⁵⁰ Umbe, pinaaǥi te lempawes nekezaag si David ki Goliat wey pinaaǥi zà te sevaha zà he vatu. Nepatey zin si Goliat minsan wazè din ispada.

1 Samuel 17:50 ပူးပေါင်းရင်းမြစ်များ

Zatù 15:15

Ne nekaahà si Samson te tulan te bakà te asnu he veǥu pa he minatey. Migkuwa zin haazà ne migamit din te kedhimatey te 1,000 he menge Filistihanen.

Zatù 3:31

Is nekesunud ki Ehud he pengulu iyan si Shamgar he anak ni Anat. Midlibri zin is Israel puun te menge Filistihanen. Menge 600 he menge Filistihanen is mibpenhimetayan din pinaaǥi te tuked he gelemiten te kedsegseg te vaka.

1 Samuel 13:22

Umbe, te timpu te tebek, wazà minsan sevaha he ispada wey bangkew te menge Israilihanen gawas ki Saul wey ki Jonatan.

1 Samuel 17:39

Inseluniket ni David kes ispada ni Saul ne migezam medhiphipanew tenged te wazè din heini meleyami he gamit. Migkeǥiyan din si Saul te, “Kenà a edselu-ub te iring kayi emun ebpekidtebek a su wazè ku meleyami heini.” Ne mibpenluwas ni David haazà.

1 Samuel 17:49

Migkuwa si David te vatu zutun te teleǥuey zin he lundis te menanap, ne iyan heini imbala zin ne inlempawes din ki Goliat, ne ziyà meigù te vuked din. Neketeleveng kes batu zutun te vuked din, ne nepiley sikandin he nekelangkeb.

1 Samuel 17:51

Mibpelelaǥuy ni David si Goliat ne migkuwa zin is ispada zin, ne mibpungelan din te ulu. Hein naahà te menge Filistihanen he minatey en kes sundaru zan he metau he ebpekidtebek, nemelaǥuy zan.

1 Samuel 19:5

Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”

1 Samuel 21:9

Midtavak kes memumuhat te, “Kayi zed kes ispada ni Goliat kes Filistihanen, he midhimetayan nu ziyà te menge Suǥud he Elah. Mibukusan heini te manggad ne ziyà itaǥù te zivaluy te ipud. Kuwaa nu emun egkesuatan nu su wazè en duma pa he gumaan kayi.” Migkaǥi si David te, “Iveǥey nu heeyan kedì. Wazè en ispada he iring keniyan.”

1 Samuel 23:21

Midtavak si Saul te, “Tuvazi kew te Nengazen te kegkeseeng niw kedì.