1 Samuel 17:46 - Manobo Western Bukidnon OT

⁴⁶ Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.

1 Samuel 17:46 ပူးပေါင်းရင်းမြစ်များ

Genesis 40:19

Seled te tetelu he andew ebpepungelan ka te hadì te ulu ne ibitey ka ziyà te kayu ne ebpengeenen te menge tagbis is sapù nu.”

2 Samuel 18:28

Hein nekeuma si Ahimaaz, migkemusta zin is hadì ne midluhud he tuus te kedtahud din. Ne migkaǥi sikandin te, “Ereg he edeliǥen is Nengazen he Megbevayè nu, Mahal he Hadì! Su iyan mibeǥey kenikew te kezeeǥan te menge etew he midsukul kenikew.”

2 Samuel 21:10

Ne si Rizpa is anak ni Aya ne migkuwa te saku ne indempas din dutun te vatu su edhidhizeǥaan din. Su ebentayan din haazà is minatey he lawa para kenà mekaan te menge tagbis emun maandew, wey ke mezukilem ne kenà daan egkekaan te menge langgam diyà te ketelunan. Dutun sikandin med-ubpà puun pa te kebpuun te ting-eǥani taman te ked-uzan.

1 Hadì 8:43

pemineǥa nu sikandan keniyan te ubpeey nu he langit. Ne iveǥey nu ziyà te kandan is minsan hengkey he ebuyuen dan, para is tivuuk he menusiyà kayi te kelibutan ne ebpekekilala kenikew, ne edtehuzen ke zan iring te menge etew nu he Israilihanen, wey para metueni zan he midtukud ku heini is baley nu para te zengeg nu.

1 Hadì 8:60

su para metueni te langun he menge etew kayi te tivuuk he kelibutan he is Nengazen, iyan Megbevayà ne wazè en duma pa.

2 Hadì 19:19

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

2 Hadì 5:15

Ne zutun midlikù si Naaman duma te menge zuma zin duen te suluǥuen te Megbevayà. Midhitindeg sikandin diyà te etuvangan ni Elisha he ke sikandin te, “Guntaan netuenan ku en he wazè en duma he Megbevayà kayi te tivuuk he kelibutan, kekenà, iyan dà is Megbevayà te Israel. Umbe zewata nu heini is igasa ku kenikew, datù.”

Salmo 31:8

Wazà a kenikew iveǥey ziyà te menge kuntada ku, kekenà, midlibri a kenikew te kezeetan.

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Exodus 9:16

Iyan, intuǥut ku he meuyag-uyag ka para kayi he ketuyu-an: su wey nu maahà is gehem ku ne wey a mevantug kayi te tivuuk he kelibutan.

Isaias 37:20

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.

Isaias 56:9

Uvey kew is menge etew ziyà te menge nasyun he iring kemesipala te menge langgam, ne dèdeeti niw is menge etew ziyà te Israel.

Jeremias 19:7

Kayi he lugar edezeetan ku is pelanu te menge tig-Juda wey menge tig-Jerusalem. Ibpehimetayan ku sikandan te menge kuntada zan pinaaǥi te tebek, ne ibpekaan ku is menge lawa zan te menge tagbis wey zumezaas he menge langgam.

Jeremias 34:20

Ibeǥey ku sikandan diyà te menge kuntada zan he egkesuat he edhimatey kandan. Ne is menge lawa zan egkehimu he keenen te menge tagbis wey zumezaas he menge langgam.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Daniel 3:29

Umbe, ebmandù a he is minsan hentei he etew ziyà te minsan hendei he nasyun, minsan hengkey he kelasi te etew, minsan hengkey he kineǥiyan he emun duen egkaǥi te lalag he ebpekekuntada te Megbevayà eni Shadrac, Meshac, wey Abednego ne ebpemisangen wey edrundusen is baley zin. Su wazè en duma he Megbevayà he ebpekehimu he edlibri te iring kayi he paaǥi.”

Deuteronomio 28:26

Is menge lawa niw ke ebpatey kew ne egkeenen te menge tagbis wey te zumezaas he menge langgam, ne wazà ebuǥew kandan.

Deuteronomio 7:2

Ne emun ibeǥey en sikandan te Nengazen he Megbevayè niw ziyà te keniyu su egkezaag niw en sikandan, kinahanglan he ebpurungan niw sikandan edèdeeti. Kenè kew mebaal te kesebutan diyà te kandan etawa kenè kew mebpaahà te hizu niw kandan.

Deuteronomio 7:23

Piru ibeǥey heini he menge nasyun te Nengazen he Megbevayè niw ziyà te keniyu. Edliveǥen din sikandan taman te egkengezeetan sikandan.

Josue 10:8

Ne migkaǥi is Nengazen diyà te ki Josue te, “Kenè ka mahandek kandan. Imbeǥey ku en sikandan kenikew. Wazà minsan sevaha kandan he ebpekezaag kenikew.”

Josue 4:24

Mibeelan heini te Nengazen su para kilelaa te langun he etew kayi te kelibutan he mekeǥeǥehem sikandin, wey kew layun medtahud kandin te Nengazen he Megbevayè niw.”

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

1 Samuel 17:44

Ne migkaǥi sikandin te “Uvey ka kayi, su ibpekaan ku is lawa nu he minatey te menge tagbis wey memevurut he langgam!”