1 Samuel 17:43 - Manobo Western Bukidnon OT

⁴³ Migkeǥiyan din si David te, “Asu e ve he mid-uwitan nu te lagkut?” Ne midrewakan din si David pinaaǥi te ngazan te ed-ezapen din.

1 Samuel 17:43 ပူးပေါင်းရင်းမြစ်များ

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

2 Samuel 16:5

Hein nekeume en si Hadì David diyà te Bahurim, duen etew he migawas dutun he inged ne mibpenrewakan din si David. Heini he etew ne anak ni Gera he kezuzumahi ni Saul he iyan ngazan din si Shimei.

2 Samuel 16:9

Migkaǥi ziyà te hadì si Abishai he anak ni Zeruya te, “Mahal he Hadì, maan is ebey-anan nu is kebpenulaa kenikew keniyan he etew he henduen dà daan te minatey he asu? Tuǥuti a kenikew he ebpungelan ku sikandin te ulu.”

2 Samuel 3:8

Utew nepauk si Abner zutun te migkaǥi kandin ni Ishboshet, ne midtavak sikandin te, “Kunaan nu vuwa ke edluivan ku en is amey nu, ne ziyà a edapig te Juda? Puun pa zengan mid-unungan ku is amey nu wey is pemilya zin wey menge emiǥu zin, ne wazè ku iveǥey ki David. Guntaan edhelezan a kenikew he nekesalà a keniyan te vahi!

2 Samuel 9:8

Midluhud si Mefiboshet ne migkaǥi te, “Hentei e ves is utew nu igkeǥaǥew? Iring e zè man te minatey he asu.”

1 Hadì 20:10

Mibpeuman mebpeuwit te lalag si Ben Hadad diyà te ki Ahab he edhenduen te, “Berakat he purungi a siluti te menge ed-ezapen emun kenè ku egkepurung egkezezeeti is Samaria. Edsigureduwen ku he wazà egkesamà minsan eliyavuk he ereg he egkaakup te menge sundaru ku.”

2 Hadì 8:13

Midtavak si Hazael, “Datù, kenè ku heeyan egkehimu. Su wazè ku ǥehem te kebaal keniyan.” Midtavak si Elisha te, “Impahayag te Nengazen kayi te kedì he egkehimu ka he hadì diyà te Aram.”

Erubasa 26:2

Kenà ed-utengan te rawak is etew he wazè din salà. Iiring dà heini te tagbis he edlayang, iyan kenà edlatun.

Numero 22:6

Umbe hendini ka ǥuntaan ne rewaki nu heini he menge etew, su edhuna sikandan he gemhanan kenami. Su kela ke mezaag ku zed sikandan ne egkesegseg ku puun kayi te tanè ku. Su netuenan ku he egketuman is ibpenuvadtuvad nu wey is idrawak nu te minsan hentei.”

Zatù 9:27

Ne hein timpu te kedraǥun te paras, mibaal is menge etew te vinu he migkeres he paras. Midtukud dan te pista ziyà te simbahan he ed-ezapan te menge ed-ezapen dan. Ne zutun te kebpemengaan dan wey ked-iinum dan, edsudien dan si Abimelec.

1 Samuel 14:12

Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”

1 Samuel 24:14

Iyan ka hadì te Israel ne ebpen-ahaan a kenikew. Maan, hentei e ves? Iring e zè man te minatey he asu wey tilema.

1 Samuel 24:15

Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”