1 Samuel 17:39 - Manobo Western Bukidnon OT

³⁹ Inseluniket ni David kes ispada ni Saul ne migezam medhiphipanew tenged te wazè din heini meleyami he gamit. Migkeǥiyan din si Saul te, “Kenà a edselu-ub te iring kayi emun ebpekidtebek a su wazè ku meleyami heini.” Ne mibpenluwas ni David haazà.

1 Samuel 17:39 ပူးပေါင်းရင်းမြစ်များ

Hoseas 1:7

Piru egkehizuwan ku mulà is menge etew te Juda. Iyan a, is Nengazen he Megbevayè dan, edlibri kandan pinaaǥi te ǥehem ku ne kenà pinaaǥi te kebpekidtebek he egemiten is panà, ispada, menge kudà etawa pereuntud te kudà.”

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

1 Samuel 17:38

Impeseluub ni Saul ki David kes bisti zin para te tebek–kes kalù he brunsi wey kes pengalang te kumeng.

1 Samuel 17:40

Ne migkuwa zin is tuked din, ne mid-amì te lelima he metilak he vatu ziyà te zal-ug ne intaǥù din diyà te lundis he mibeelan he puntir. Mid-uwit din is lempawes din ne mid-uvayan din si Goliat.