1 Samuel 17:34 - Manobo Western Bukidnon OT

³⁴ Piru midtavak si David te, “Datù, puun pa te vatè e pa ebantey ad te kerehidu te amey ku. Emun edewiyen te erimaung wey ke bir is kerehidu,

1 Samuel 17:34 ပူးပေါင်းရင်းမြစ်များ

Genesis 31:39

Wazè ku en uwita ziyan te kenikew is menge uyaǥen nu he midhimetayan te menge zumezaas he menge langgam; segugunè ku heini ed-ilisi. Mibpeveyazan nu zaan kedì is menge uyaǥen nu he midtakew te timpu te maandew wey te mezukilem.

2 Samuel 17:8

Nekilala nu is amey nu wey is menge sakup din; mezesen sikandan wey zumezaas iring sikandan te bir he mid-eǥawan te menge anak din. Iring keniyan is amey nu he nelayam te tebek, wey kenà sikandin ebpekiduma te menge sakup din ke edlipezeng.

2 Samuel 23:20

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

1 Cronica 11:22

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

Salmo 143:5

Iyan, dutun daan netenuzan ku is nengehimu nu ziyà te nengehuna he timpu. Ne egngunngunuen ku heini is langun,

Ezekiel 34:12

Iring te ebpen-ahaan te pereelima is menge kerehidu zin he ebpekedsusuwey, ebpen-ahaan ku zaan is menge kerehidu ku. Edlibriyen ku sikandan puun te langun he menge lugar he zutun sikandan mekedsusuwey hein timpu te kesamuk.

Amos 3:12

Heini pa is migkaǥi te Nengazen: “Is egkekuwa te vantey te kerehidu zuen te uyaǥen he edeesan te erimaung egkehimu he iyan dà is dezuwa he vuvun etawa sevaha te telinga. Ne iring keniyan is egkehitavù keniyu te menge Israilihanen he menge meǥinged diyà te Samaria; is egkesamà keniyu, iyan dà is menge vahin te mekempet he menge hizeǥaan niw.”

Zacarias 11:16

Su edsavuk a te pengulu ziyà te tanà te Israel he iring te perevantey te menge kerehidu he wazè din pulus: kenè din ebpen-ahaan is netazin etawa kenè din edtembaran is menge nepelian, wey kenè din ibpepenabtab is memeǥasà. Piru egkaan sikandin te usa te melambù he kerehidu ne minsan is sapù te sulu ne edwekaan din su edreǥinuten din en.

Zacarias 9:7

Kenè en sikandan egkaan te usa he zuen din pa lengesa wey menge keenen he imbandu is kegkeena zuen. Is egkesamà kandan, ed-isipen te Megbevayè tew he menge etew zin, ne egkehimu en sikandan he zuma te menge etew te Juda. Is menge meǥinged diyà te Ekron, egkehimu he zuma te menge etew te Nengazen iring te menge Jebusihanen dengan.

Zatù 14:6

Ne si Samson, mibeǥayan sikandin te ǥehem te Mulin-ulin te Nengazen, ne zutun mibaas din haazà is erimaung pinaaǥi zà te menge velad din he henduen be te nati zà he kambing is mibaas din. Piru wazè din haazà tudtula te menge ǥinikanan din.

1 Samuel 17:15

si David mulà ed-ulìulì dà diyà te Betlehem puun te kampu ni Saul su ed-atimanen din is menge kerehidu te amey zin.

1 Samuel 17:33

Midtavak si Saul te, “Kenè ka ebpekesukul te kebpekidtebek kandin. Batè ke pa ne sikandin mulà daan en he veǥani puun pa te vatè pa sikandin.”

1 Samuel 17:35

edel-asen ku heini ne edlegkuten ku, ne egkuwaan ku haazà is kerehidu. Ne emun edsukul kedì edekepen ku ne egewezan ku ziyà te lieg ne ebpenlegkuten ku taman te ebpatey.