1 Samuel 17:32 - Manobo Western Bukidnon OT

³² Hein nekeuma si David, migkeǥiyan din si Saul te, “Kenà engayan he zuen sevaha he egkaawà is kevurut tenged keniyan te Filistihanen. Iyan a is suluǥuen nu ebpekidtebek kandin.”

1 Samuel 17:32 ပူးပေါင်းရင်းမြစ်များ

Salmo 3:6

Minsan linibu pa he menge kuntada is edliǥuy kedì, ne kenà a egkahandek.

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 7:4

Ne iyan heini keǥiya nu kandin, ‘Pengandam ka! Ipehulenè nu is gehinawa nu wey kenè ka mahandek. Kenè ka mebpekulbà tenged dà te utew kegkepauk ni Hadì Rezin he hadì diyà te Aram wey ni Hadì Peka he anak ni Remalia. Heini sikandan, iring dà te zezuwa he tued he ed-evel piru wazà duen hapuy.

Numero 13:30

Ne impehenek ni Caleb is menge etew ziyà te etuvangan ni Moises, ne ke sikandin te, “Egenat kiw en guntaan ne ed-eǥawen tew haazà is tanà, su siguradu he egkaaǥew tew heini.”

Numero 14:9

Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Josue 14:12

Umbe, iveǥey nu kediey is menge vuvungan he insaad kediey te Nengazen. Iyan ka mismu nekezineg dengan he iyan menge meǥinged kayi is menge kevuwazan ni Anak ne melig-en is menge inged dan he miberengbeng. Piru pinaaǥi te tavang te Nengazen edsegseǥen ku sikandan keniyan he tanà su iyan heeyan insaad din kediey.”

1 Samuel 14:6

Migkeǥiyan ni Jonatan kes tig-uwit te ǥumaan din te, “Hengkayi ke en, ebeyaan ta is kampu te menge etew he wazà mekekilala te Megbevayà. Kela ke edtevangan ki te Nengazen, su wazà ebpekevelavag kandin emun edhimuwen din he mekezaag is etew, mezakel man wey ke deisey.”

1 Samuel 16:18

Migkaǥi is sevaha zutun te menge suluǥuen din te, “Duen neehè ku he sevaha he anak ni Jesse he tig-Betlehem ne metau he edtukar te alpa. Gawas pa zutun, mevurut sikandin wey metau he ebpekidtebek. Mataid sikandin wey metau he ebpengaǥikaǥi, wey edtevangan sikadin te Nengazen.”

1 Samuel 17:31

Is menge kebpenginginsà ni David ne nezineg ni Saul, umbe impetawag sikandin ni Saul.