1 Samuel 17:28 - Manobo Western Bukidnon OT

²⁸ Dutun te kegkezineǥa ni Eliab, he kinekekayan he suled ni David te nekidlalag sikandin te menge etew, nepauk sikandin. Migkeǥiyan din si David te, “Maan is midhengkayi ka? Hentei is impevantey nu te menge kerehidu tew ziyà te sibsivayan he pira zà he leǥas? Utew ka mepedeligen. Mezaat is ulaula nu! Midhengkayi ke zà wey ka mekaahà te tebek.”

1 Samuel 17:28 ပူးပေါင်းရင်းမြစ်များ

Genesis 37:11

Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

Genesis 37:4

Ne hein nesavut te menge kakey ni Jose he mibmahal si Jose te amey zan, kenà sikandan, nepeukan dan si Jose ne layun en memesakit he lalag dan emun ebpekidlalag dan kandin.

Genesis 37:8

Migkaǥi haazà is menge suled din te, “Hengkey? Egkehimu ka edhadì wey ebayàbayà kenami?” Umbe mid-iseg pa is kegkepeuki zan ki Jose.

2 Cronica 11:18

Mid-esawa ni Rehoboam si Mahalat, he iyan amey zin si Jerimot he anak ni David ne iyan iney zin si Abihail he anak ni Eliab wey apù ni Jesse.

Salmo 35:11

Is mesipala he menge etew ebpenistiǥus kuntra kedì. Ed-uluǥan a zan te kewsa.

Erubasa 18:19

Is telesuled he ebpekedsilaǥà utew mereǥen he ibped-uliey te meupiya he gehinawa. Mereǥen pa heini he ebeelan kenà is kedseled te miberengbeng he inged. Iring ded kereǥen te kedrundus te trangka te ǥemawan te turuǥan, mereǥen he edhusayen is dezuwa he telesuled.

Erubasa 27:4

Ebpekezezaat is pauk wey rerangit, iyan, edhuna pa is kebpengelikud.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”

1 Samuel 17:29

Midtavak si David te, “Hengkey ves daan is mibeelan ku? Mid-insè e zè man!”