1 Samuel 17:25 - Manobo Western Bukidnon OT

²⁵ Mibpetudtudtulà sikandan te, “Neehè niw ve kes etew he lelayun ebpenginggat kenitew te menge Israilihanen? Ebeǥayan kun te hadì te zekelà he suhul is ebpekepatey kandin. Ne kenà iyan dà heeyan, su ibpeesawa zin pa is anak din kandin, ne kenà ibpevayad te vuhis te Israel is pemilya zin.”

1 Samuel 17:25 ပူးပေါင်းရင်းမြစ်များ

Ezra 7:24

Ibpehibelu zey zaan diyà te keniyu he kenè niw ipevayad te vuhis wey zuma pa he menge veleyazan is menge memumuhat, menge Levihanen, menge musikiru, menge vantey te menge ǥemawan te valey te Nengazen, menge suluǥuen diyà te valey te Nengazen, wey is duma pa he ebpemenerebahu zutun te valey te Nengazen.

Josue 15:16

Migkaǥi si Caleb te, “Ibpeesawa ku is anak ku he si Acsa te etew he ebpekaaǥew te Kiriat Sefer.”

1 Samuel 17:24

Hein naahà te menge Israilihanen si Goliat, nemelaǥuy zan is utew egkengehandek.

1 Samuel 17:27

Midtudtul te menge etew ziyà te kandin is nehisgutan mehitenged te suhul he egkezawat te etew he ebpekepatey ki Goliat.