1 Samuel 17:18 - Manobo Western Bukidnon OT

¹⁸ Uwiti nu zaan is peremandar te menge sundaru te sepulù he kisu. Susiya nu zaan ke nemenumenu en is menge kakey nu, ne likù ka kayi ne uwit ka te tuus he meupiya is kebpekesavuk dan.

1 Samuel 17:18 ပူးပေါင်းရင်းမြစ်များ

Genesis 37:13

Ne zutun, migkeǥiyan ni Jacob si Jose te, “Is menge kakey nu ne ziyà te Shekem su ebpemepenabtab dan te menge uyaǥen tew.

Genesis 37:14

Hendiyè ka wey nu melauy ke meupiya ve is egkeulaula te menge kakey nu wey te menge uyaǥen, ne meǥaan ke zà likù kayi wey a metudtuli kenikew.” Midtavak si Jose te, “Uya, amà.” Umbe, puun dutun te Hebron, midhendiyà si Jose te Shekem.

2 Samuel 17:29

teneb, mentikilya, kerehidu, wey kisu. Imbeǥey zan heini ki David wey te menge sakup din, su netuenan dan he egkengevitil, egkengeveley, wey utew en sikandan egkemezahi zutun te kedhipanew zan.

Ester 2:11

Kada andew edhendiyà si Mordecai te lama zutun te turuǥan he ed-ubpaan te menge vahi su wey zin maahà wey ikesusi ke hengkey en is egkeulaula ziyà ni Ester.

Job 10:10

Iyan ka mibpurma kedì diyà te ǥetek te iney ku ne neiring a te ǥatas he mibeelan he kisu.

Exodus 18:7

Ne tenged kayi midsinuǥung ni Moises is enuǥang din diyà te ǥawas ne midluhud sikandin diyà te etuvangan te enuǥang din wey midhezekan din daan. Ne mibpeinseey sikandan mehitenged te kebpekesavuk te uman sevaha kandan, ne zutun midseled dan diyà te tulda.

Zatù 18:15

Umbe, midhendiyè dan te valey ni Micas ne mibpengemusta zan sikan is betan-en he Levihanen he zutun ed-ubpà.

1 Samuel 16:20

Umbe, midsuǥù ni Jesse si David diyà te ki Saul he ed-uwit te menge gasa: sevaha he asnu he migkergahan te menge supas, sevaha he teleǥuey te vinu he lundis he nepenù te vinu, wey sevaha he nati he kambing.

1 Samuel 17:19

Diyè dan guntaan te menge Suǥud he Elah, su ebpekidtebek dan te menge Filistihanen duma zan si Saul wey is duma he menge Israilihanen.”

1 Samuel 25:5

midsuǥù ni David is sepulù he etew ziyà te Carmel. Midsuǥù din he ibpepenudtul kandan heini he lalag diyà te ki Nabal: “Kemusta ke en! Deyzey pezem ke mebmeluǥayad is untung nu. Wey zeyzey pezem ke meupiya is kebpekesavuk nu wey is kebpekesavuk te tivuuk he pemilya nu wey is langun he keniyan te kenikew.

1 Samuel 30:21

Hein nekelikù en ensi David diyà te zal-ug he Besor, midsinuǥung sikandan dutun te 200 he menge sakup din he mibpelintetaǥak tenged te utew zan kegkeveley. Migkemusta sikandan ni David.