1 Samuel 16:5 - Manobo Western Bukidnon OT

⁵ Midtavak si Samuel te, “Uya, midhendini a su ebpemuhat a ziyà te Nengazen. Mebpekelumpiyu kew ne zuma kew kedì te ebpemuhat.” Ne midhimu ni Samuel is tulumanen para melumpiyuwi si Jesse wey is menge anak din, ne midhinggat din sikandan te kebpemuhat.

1 Samuel 16:5 ပူးပေါင်းရင်းမြစ်များ

Genesis 35:2

Umbe migkeǥiyan ni Jacob is tivuuk he pemilya zin wey is langun he menge sakup din te, “Ipenimbag niw is menge ed-ezapen niw. Mebpenlumpiyu kew te keugelingen niw ne ilisi niw is bisti niw.

1 Hadì 2:13

Dutun si Adonia he anak ni Hagit midhendiyà te ki Batsheba te iney ni Solomon. Mid-insà si Batsheba ziyà te kandin te, “Meupiya ve is tuud nu te kedhengkayi nu?” Midtavak si Adonia te, “Uya, meupiya.

1 Cronica 12:18

Ne zutun mid-uwit te Mulin-ulin si Amasai he nehimu he pengulu zuen te 30 he menge mevurut he menge sundaru ne migkaǥi sikandin te, “Edlavan key kenikew, David he anak ni Jesse! Deyzey pezem ke mebmezeeǥen ka wey is mid-uǥup kenikew, su iyan is Megbevayè nu mid-uǥup kenikew.” Ne midawat sikandan ni David ne midhimu zin sikandan he menge upisyal te menge sundaru zin.

Job 1:5

Ne kada egkepasad is keemuran, ebpemuhat si Job para melumpiyuwi haazà is menge anak din. Edsayu sikandin ed-enew ne ebpemuhat sikandin te menge pemuhat he edtutungen he para te kada anak din su egkeisip din he kela ke nekesalà is menge anak din, ne kela ke nekekaǥi zan te mezaat mehitenged te Megbevayà. Ne iyan heini layun ebeeli ni Job.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Joel 2:16

Himuwa niw is tulumanen te kedlumpiyu ne tiǥum kew is langun, batà etawa meǥurang. Minsan is menge peririǥè pa ne uwita niw, ne medtampu zaan is beǥu he neked-esawa.

Zefanias 1:7

“Pereremek kew kayi te etuvangan ku, su meǥaan en egkeuma is andew te kedsilut ku. In-andam ku en is menge etew he para ebpenhimetayan iring te uyaǥen he ibpemuhat. Insivey ku en is menge kuntada he mid-umew ku wey zan medsurung diyà te Juda.

Numero 11:8

Ebpengemien heini te menge Israilihanen diyà te tanà kada meselem, ne egelingen dan, ne emun kenà, ne ebeveyuwen dan. Edhilutuen dan heini ziyà te ziniyun ne ebeelan dan he menipis he supas. Is taam kayi iring te taam te pan he midlutù te lana he ulibu.

Josue 3:5

Ne migkeǥiyan ni Josue is menge etew te, “Mebpekelumpiyu kew, su keeselem ebaal is Nengazen te egkengein-inuwan diyan te keniyu.”

Josue 7:13

“Hitindeg ka ne keǥiyi nu is menge etew he lumpiyuwi zan is keugelingen dan para te ked-etuvang dan kedì keeselem, tenged te siak, is Nengazen he Megbevayà te Israel, egkaǥi te: ‘He Israel, duen niw in-eles he menge azen he para zà kediey. Kenè kew ebpekesukul te menge kuntada niw mintras wazè pa maawà diyà te keniyu heini he menge azen.’

1 Samuel 20:26

Wazè en kekeǥiyen ni Saul zutun mehitenged ki David te haazà he andew su egkeisip din is kela ke zuen neulaula ki David he kenà meupiya ne nehimu he nekeremerik kandin, umbe kenà ereg sikandin he ebpekidsevaha zutun te pista.