1 Samuel 16:13 - Manobo Western Bukidnon OT

¹³ Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 16:13 ပူးပေါင်းရင်းမြစ်များ

2 Samuel 12:7

Ne migkeǥiyan ni Natan si David te, “Iyan ka haazà! Iyan heini lalag te Nengazen he Megbevayà te Israel: ‘Mibpilì ku sikew he hadì te Israel ne midlibri ku sikew ziyà te ki Saul.

2 Samuel 2:4

Hein nepiraan en sikandan dutun, midhendiyà te Hebron is menge pengulu te Juda ne midlenahan dan is ulu ni David he tuus te iyan en sikandin nehimu he hadì te Juda. Hein netuenan ni David he is menge tig-Jabesh Gilead iyan midleveng ki Saul,

2 Samuel 23:1

Si David he anak ni Jesse, midhimu he mevantug te Utew Lavew he Megbevayà. Mibpilì sikandin te Megbevayà ni Jacob he mehimu he hadì. Wey ebaal sikandin te menge kentahan te Israel. Iyan heini impeneltelaan din:

2 Samuel 5:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel.

2 Hadì 9:6

Midhitindeg si Jehu ne midseled diyà te valey. Ne mid-itisan duen te ebpeneuven is ulu ni Jehu te lana ne migkeǥiyan din te, “Iyan heini egkeǥiyen te Nengazen he Megbevayà te Israel: ‘Mibpilì ku sikew he hadì te menge etew ku he menge tig-Israel.

1 Cronica 11:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel, sumalà is insaad te Nengazen pinaaǥi ki Samuel.

Salmo 89:20

Si David he suluǥuen ku, iyan mibpilì ku he hadì pinaaǥi te kedlenahi kandin te segradu he lana ku.

Salmo 89:21

Is gehem ku eduma kandin wey edlig-en kandin.

Numero 11:17

Ebulus a ne ebpekidlalag a kenikew zutun, ne ibeǥey ku kandan is duma he keǥehem he imbeǥey ku kenikew su wey zan mekeuǥup kenikew te kedumala te menge etew su para zuen nu zuma te kedumala kandan.

Numero 27:18

Umbe, migkaǥi is Nengazen diyà te ki Moises te, “Pesuǥui nu si Josue he anak ni Nun, is sevaha he etew he ed-ulinan te Mulin-ulin, ne izampè nu is palad nu ziyà te ulu zin te ked-urdina kandin he pengulu.

Zatù 11:29

Dutun he timpu mid-ulinan si Jefta te Mulin-ulin te Nengazen. Mid-eneb din beyai is tivuuk he Gilead wey is Manase, pehendiyà te Mizpa diyà te Gilead. Ne puun te Mizpa midsurung din is menge Amunihanen.

Zatù 13:25

Is Mulin-ulin te Nengazen mibpuun med-ulin kandin hein diyà sikandin te Mahane Dan, he ziyà te pid-elangan te Zora wey Eshtaol.

Zatù 14:6

Ne si Samson, mibeǥayan sikandin te ǥehem te Mulin-ulin te Nengazen, ne zutun mibaas din haazà is erimaung pinaaǥi zà te menge velad din he henduen be te nati zà he kambing is mibaas din. Piru wazè din haazà tudtula te menge ǥinikanan din.

Zatù 3:10

Mid-ulinan sikandin te Mulin-ulin te Nengazen, ne mibpenguluwan din is Israel. Nekidtebek sikandin ki Hadì Cushan Rishataim he hadì te Aram, ne mibpengelinteuwan te Nengazen he mekezaag sikandin.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.

1 Samuel 10:6

Ne zutun, ed-ulinan ka te Mulin-ulin te Nengazen, ne ebpekaǥi ke en te kebpenagnà duma kandan, ne egkehimu ke en he veǥu en he etew.

1 Samuel 11:6

Kegkezineǥa ni Saul zutun ne segugunà sikandin mid-ulinan te Mulin-ulin te Megbevayà, wey utew sikandin nepauk.

1 Samuel 16:18

Migkaǥi is sevaha zutun te menge suluǥuen din te, “Duen neehè ku he sevaha he anak ni Jesse he tig-Betlehem ne metau he edtukar te alpa. Gawas pa zutun, mevurut sikandin wey metau he ebpekidtebek. Mataid sikandin wey metau he ebpengaǥikaǥi, wey edtevangan sikadin te Nengazen.”

1 Samuel 18:12

Nahandek si Saul ki David su edumahan te Nengazen si David, ne sikandin mulà ne mid-ewaan en te Nengazen.

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.