1 Samuel 16:11 - Manobo Western Bukidnon OT

¹¹ Mid-insaan ni Samuel si Jesse te, “Iyan dè be sikandan menge anak nu?” Midtavak si Jesse te, “Duen pa, is tinengkezan, piru wazà kayi su ebantey sikandin te kerehidu.” Migkaǥi si Samuel te, “Ipehendini, su kenè tew edhimuwen is kebpemuhat emun kenà ebpekeuma kayi.”

1 Samuel 16:11 ပူးပေါင်းရင်းမြစ်များ

2 Samuel 13:3

Duen elukuy ni Amnon he metau he edseligkep he iyan is id-aǥew zin he si Jonadab. Anak sikandin te suled ni David he si Simea.

2 Samuel 7:8

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

1 Cronica 17:7

“Keǥiyi nu pa si David he iyan a, is Nengazen he Mekeǥeǥehem, egkaǥi te, ‘Mibantey ke zà dengan te menge kerehidu, piru mibpilì ku sikew he edumala te menge etew ku he Israilihanen.

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

1 Samuel 16:10

Ne hein pudu en ingkepehendiyà ni Jesse te ki Samuel sikan is pitu he anak din, migkaǥi si Samuel te, “Wazà sevaha kandan he mibpilì te Nengazen.”

1 Samuel 17:28

Dutun te kegkezineǥa ni Eliab, he kinekekayan he suled ni David te nekidlalag sikandin te menge etew, nepauk sikandin. Migkeǥiyan din si David te, “Maan is midhengkayi ka? Hentei is impevantey nu te menge kerehidu tew ziyà te sibsivayan he pira zà he leǥas? Utew ka mepedeligen. Mezaat is ulaula nu! Midhengkayi ke zà wey ka mekaahà te tebek.”