1 Samuel 16:10 - Manobo Western Bukidnon OT

¹⁰ Ne hein pudu en ingkepehendiyà ni Jesse te ki Samuel sikan is pitu he anak din, migkaǥi si Samuel te, “Wazà sevaha kandan he mibpilì te Nengazen.”

1 Samuel 16:10 ပူးပေါင်းရင်းမြစ်များ

1 Samuel 16:11

Mid-insaan ni Samuel si Jesse te, “Iyan dè be sikandan menge anak nu?” Midtavak si Jesse te, “Duen pa, is tinengkezan, piru wazà kayi su ebantey sikandin te kerehidu.” Migkaǥi si Samuel te, “Ipehendini, su kenè tew edhimuwen is kebpemuhat emun kenà ebpekeuma kayi.”

1 Samuel 16:9

Ne impehendiyè en maan ni Jesse si Shama te ki Samuel. Migkaǥi si Samuel te, “Kenà sikandin kes mibpilì te Nengazen.”

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.