1 Samuel 15:30 - Manobo Western Bukidnon OT

³⁰ Midtavak si Saul te, “Nekesalà a. Piru edhangyù a he kenè nu zèdeeti is dengeg ku kayi te menge ebpemendumala te keet-etawan ku wey etuvangan te tivuuk he Israel pinaaǥi te kedumahi nu kedì te ked-azap te Nengazen he Megbevayè nu.”

1 Samuel 15:30 ပူးပေါင်းရင်းမြစ်များ

2 Samuel 12:13

Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

Exodus 9:27

Ne mibpesuǥuan te hadì si Moises wey si Aaron. Ne ke sikandin diyà te kandan te, “Guntaan netuenan ku en he nekesalà a; netuenan ku he ebpekevenar is Nengazen ne iyan a nesayep wey is menge etew ku.

Isaias 29:13

Migkaǥi is Nengazen te, “Heini he menge etew ziyè dà te vèbè dan is kedeliǥa wey kebeǥayi zan kedì te zengeg, piru meziyù kayi te kedì is gehinawa zan. Ne is ked-ezapa zan kedì, ne tenged dà te edtumanen dan is kandan dà he sulunuzen.

Habakuk 2:4

Iyan heini isurat nu: “Ahaa nu is menge mepelavawen! Lalung sikandan he menge etew. Piru is metazeng he menge etew ebpengungubpaan tenged te kedtuu zan.

1 Samuel 15:31

Umbe, miduma si Samuel ki Saul, ne mid-azap si Saul te Nengazen.

1 Samuel 26:21

Migkaǥi si Saul te, “Nekesalà a. Likù ka kayi te kedì David, anak ku, ne kenè ku en ed-um-umanen is mibeelan ku kenikew, su wazà a kenikew himetayi. Henduen a te vuneg te mibeelan ku, ne utew ad iyan nesayep.”