1 Samuel 15:3 - Manobo Western Bukidnon OT

³ Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 15:3 ပူးပေါင်းရင်းမြစ်များ

Genesis 36:12

Ne zuen daan anak din diyà te esawa zin he si Timna he si Amalek. Iyan sikandan menge apù ni Esau ziyà te esawa zin he si Ada.

2 Samuel 1:8

Mid-insaan e zin ke hentei a. Midtavak a te Amalikanhen a.

Exodus 17:14

Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Numero 24:20

Naahà ni Balaam diyà te kebpekelawas din is menge etew ni Amalek ne migkaǥi sikandin te, “Dengan iyan lavew he nasyun is Amalek, piru te huziyan he timpu egkezeetan heini.”

Numero 31:17

Umbe, geraa niw is langun he menge vatà he maama wey is langun he menge vahi he nehilevetan en te maama.

Josue 10:39

Mid-aǥew zan haazà is inged ne midhimetayan dan is hadì wey is langun he meǥinged kayi, ragkes is menge etew ziyà te nekepeliǥuy he menge inged. Mibpurung dan heini zèdeeti ne wazà nesamà he uuyag. Is mibeelan dan diyà te Hebron wey Libna wey te menge hadì kayi mibeelan dan daan diyà te Debir wey te hadì kayi.

1 Samuel 14:48

Mevurut sikandin he ebpekidtebek, wey nezaag din daan is menge Amalikanhen. Te heini he paaǥi midluwas din is menge Israilihanen puun te gehem te langun he menge midsurung kandan wey te mibpen-aǥew te menge azen dan.

1 Samuel 15:18

Wey midsuǥù ke zin. Ke sikandin te, ‘Purungi nu zèdeeti is menge Amalikanhen, is mekesesalà he menge etew. Tebeka nu sikandan taman te egkeamin sikandan he ebpematey.’

1 Samuel 22:19

Mibpenhimetayan daan ni Saul is langun he mid-ubpà diyà te Nob, kes inged te menge memumuhat: menge maama, menge vahi, menge vatà, wey is kemulu pa edsusu, apil is menge vaka, asnu, wey menge kerehidu.

1 Samuel 27:9

Dutun te kedsurung eni David, ed-eminen dan edhimetayi is menge maama wey menge vahi, ne ebpenguwaan dan is menge kerehidu, menge vaka, menge asnu, menge kemilyu, wey apil en is menge visti. Ne edlikù dan diyà te ki Akish.

1 Samuel 30:17

Midsurung sikandan ni David duma is menge sakup din, ne dezuwa he kezukileman is kedtebek dan taman te mid-uman en maan mebmezukilem. Ne wazà minsan sevaha he nekepelaǥuy gawas te 400 he menge betan-en he nemen-untud te kemilyu he nemelaǥuy.