1 Samuel 15:29 - Manobo Western Bukidnon OT

²⁹ Is Megbevayà utew lavew he ebentuǥen te Israel ne kenà teruen ne kenà daan egkehalin is isip din, su kenè man iring te etew he egkahalinhalin is isip.”

1 Samuel 15:29 ပူးပေါင်းရင်းမြစ်များ

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

Salmo 29:11

Edlig-enan te Nengazen is menge etew zin, ne ebeǥayan din sikandan te meupiya he kebpekesavuk.

Salmo 68:35

Ebpendeǥubduven ki is ed-etuvang te Megbevayà te Israel ziyà te segradu he ubpeey zin. Ebeǥayan din te ǥehem wey zesen is menge etew zin. Dait he edeliǥen is Megbevayà!

Salmo 95:11

Ne tenged te pauk ku, ne utew meheǥet is lalag ku he kenè dan ebpekeseled diyà te tanà he zutun ku pezem sikandan ibpehimeley.”

Isaias 45:24

Egkaǥi sikandan te, ‘Pinaaǥi zà te Nengazen ebpekaangken is etew te zesen wey kezeeǥan duma is ketazeng.’ ” Is langun he edumut te Nengazen ed-uvey ziyà te kandin is egkengepeel-elezan.

Ezekiel 24:14

Iyan a is Nengazen migkaǥi he neume en is timpu he iyan ad edwaleng te kedsilut, ne wazà ebpekeeǥen kediey. Kenè ku sikiyu egkehizuwan, ne kenè en egkahalin is isip ku. Edhukuman kew tenged te vetasan niw wey menge vaal niw. Iyan a, is Nengazen he MEGBEVAYÀ, is migkaǥi kayi.’ ”

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

Deuteronomio 33:27

Iyan eputè niw is wazà pidtemanan he Megbevayà; edlig-enan kew zin pinaaǥi te gehem din he wazà pidtemanan. Ibpesegseg din keniyu is menge kuntada niw, ne edsuǥuen kew zin te kedezaat kandan.