1 Samuel 15:26 - Manobo Western Bukidnon OT

²⁶ Piru midtavak si Samuel te, “Kenà a eduma kenikew. Inselikwey nu is suǥù te Nengazen, umbe inselikwey ke zin he iyan hadì te Israel.”

1 Samuel 15:26 ပူးပေါင်းရင်းမြစ်များ

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 7:15

Piru kenà egkaawà is kebmahala ku kandin, kenà iring te mid-ulaula ku ki Saul he nepuliyan nu he hadì.

Jeremias 6:19

Pemineg ka, is kelibutan! Ebpeuwitan ku te kezeetan heini he menge etew he idsilut ku kandan tenged te mezaat he menge planu zan. Su wazè dan pemineǥa is menge lalag ku wey inselikwey zan is kesuǥuan ku.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

1 Samuel 13:14

Piru kenè en heeyan egkehitavù, su zuen en naahà te Nengazen he etew he ebpemineg kandin, wey iyan edhimuwen din he ebpengulu te keet-etawan din tenged te wazè nu tumana is suǥù din.”

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 15:31

Umbe, miduma si Samuel ki Saul, ne mid-azap si Saul te Nengazen.

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

1 Samuel 28:18

Mibeelan heini te Nengazen diyà te kenikew su wazè nu tumana is suǥù din he penhimetayi nu is menge Amalikanhen.