1 Samuel 15:23 - Manobo Western Bukidnon OT

²³ Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 15:23 ပူးပေါင်းရင်းမြစ်များ

Genesis 31:34

Piru ingke-eles-en ni Raquel ziyà te bulsavulsa zuen te silya te kemilyu zin, ne mibpinuuwan din heini. Ne midsusi ni Laban is langun he menge taǥù dutun te tulda ne wazè din maahà.

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 7:15

Piru kenà egkaawà is kebmahala ku kandin, kenà iring te mid-ulaula ku ki Saul he nepuliyan nu he hadì.

1 Cronica 10:13

Minatey si Saul tenged te kenè din kebpezumazuma te Nengazen. Wazè din tumana is suǥù kandin te Nengazen, wey midangep sikandin te menge etew he edsarig te menge mulin-ulin.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

Job 34:37

Mid-umanan nu pa is salè nu pinaaǥi te kebpekidsukulè nu te Megbevayà. Edsudien nu wey ed-insultuwen nu is Megbevayà diyà te etuvangan dey.”

Salmo 107:11

Nepirisu sikandan su midsupak dan is menge suǥù te Utew Lavew he Megbevayà, wey wazè dan beǥayi te keveǥat is menge sambag din.

Exodus 22:18

“Himetayi niw is minsan hentei he veyilan.

Isaias 19:3

Egkaawà is kevurut te menge Ehiptohanen, ne edhimuwen ku he meliveg sikandan is ebpelanu. Edangep dan diyà te menge ed-ezapen dan, diyà te menge ǥimukud te nemematey en, diyà te menge veyilan, wey menge etew he edsarig te menge mulin-ulin.

Isaias 8:19

Emun duen egkaǥi keniyu he penginginsè kew te menge minatey pinaaǥi te menge veyilan wey menge etew he edsarig te menge mulin-ulin, ne kenè niw haazà beeli. Insè kew ziyà te Megbevayè niw. Heeyan sikandan ebekèbekè dà is bèbè dan. Ne maan is ed-insè kew ziyà te menge minatey te para te menge uuyag?

Jeremias 16:12

Ne sikiyu edhuna kew pa he lalung kenà te menge kepuun niw. Wazè kew mebpezumazuma kedì, kekenà, iyan niw mibpezumdumahan is kenà mepezumdumahan he mezaat he gehinawa niw.

Jeremias 29:32

Umbe, migkaǥi a, is Nengazen te, ‘Edsilutan ku sikandin wey is menge kevuwazan din. Wazà minsan sevaha te menge kevuwazan din he ebpekaahà te meupiya he ebeelan ku ziyà te keniyu, su mibpenurù kew zin te kebpekidsukulè kedì. Iyan a, is Nengazen, is migkaǥi kayi.’ ”

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Leviticus 20:27

Emun duen keniyu veyilan he ebpekidlalag te ǥimukud te nemematey en, kinahanglan he ebpenulengen sikandin te vatu taman te ebpatey. Ne iyan dà sikandin egkevasul zutun te kemetayen din.

Leviticus 20:6

Egkeepesan ku zaan is etew he edangep wey edsunud te menge veyilan he ebpekidlalag te ǥimukud te nemematey en. Kenè ku sikandan ed-isipen he zuma niw.

Numero 14:9

Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Deuteronomio 9:24

Puun te kegkekilelaa ku keniyu ne pudu en kebpekidsukulà te Nengazen is menge vaal niw.

Deuteronomio 9:7

“Tentenuzi niw ke hengkey is menge ulaula niw he ingkepauk te Nengazen he Megbevayè niw. Hein diyè kew te sibsivayan. Puun te andew te kegawas niw ziyà te Ehipto ne taman en guntaan is kedtulung niw kebpekidsukulà te Nengazen.

Josue 22:15

Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

1 Samuel 13:14

Piru kenè en heeyan egkehitavù, su zuen en naahà te Nengazen he etew he ebpemineg kandin, wey iyan edhimuwen din he ebpengulu te keet-etawan din tenged te wazè nu tumana is suǥù din.”

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

1 Samuel 28:3

Dutun he penahun daan en he minatey si Samuel. Hein kebpatey zin ne utew nenlalew is menge Israilihanen kandin, ne ziyè dan ileveng sikandin te inged din he Rama. Ne midsegseg ni Saul puun te Israel is menge veyilan he ebpekidlalag te gimukud te nemematey en.