1 Samuel 15:20 - Manobo Western Bukidnon OT

²⁰ Midtavak si Saul te, “Piru mibpezumdumahan ku is Nengazen. Mibeelan ku is mibpeveelan din kedì. Mibihag ku si Agag he hadì te menge Amalikanhen, ne midhimetayan ku is langun he sakup din.

1 Samuel 15:20 ပူးပေါင်းရင်းမြစ်များ

Job 33:9

‘Wazè ku salà; lumpiyu a wey wazè ku salà.

Job 34:5

Su migkaǥi si Job te, ‘Wazè ku salà piru wazà a beǥayi te Megbevayà te kukuman he kenà a egkevintahaan.

Job 35:2

“Egkeisip nu ve he hustu is migkaǥi nu he wazè nu salà diyà te etuvangan te Megbevayà?

Job 40:8

Iyan be ibpeletew nu he kenà a metazeng su para medletew he iyan ka metazeng?

1 Samuel 15:13

Mibeyaan ni Samuel si Saul. Ne hein neked-ehè dan, migkeǥiyan ni Saul te, “Deyzey ke tuvazi ka te Nengazen! Su midtuman ku is menge suǥù din.”

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 15:8

Nengepatey zan is langun he menge Amalikanhen, gawas ki Agag he hadì. Wazè dan mulà himetayi piru mibihag dan dà. Wazè dan daan penhimetayi is kerehidu he meupiya is lawa zin wey is menge vaka, minsan is menge nati. Is langun he meupiya ne wazè dan himetayi, iyan dan dà midhimetayan kes kanà memeupiya wey kenè en egkepulusan.

1 Samuel 28:18

Mibeelan heini te Nengazen diyà te kenikew su wazè nu tumana is suǥù din he penhimetayi nu is menge Amalikanhen.