1 Samuel 15:12 - Manobo Western Bukidnon OT

¹² Meselem utew zutun te sunud he andew, migenat sikandin is ebpekidhinguma ki Saul. Piru nezineg din te, “Midhendiyà si Saul te Carmel su ibpehitindeg din is ledawan he para mevantug sikandin, ne nepasad ne midlaus sikandin diyà te Gilgal.”

1 Samuel 15:12 ပူးပေါင်းရင်းမြစ်များ

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.

2 Samuel 18:18

Hein uuyag pa si Absalom ne mibpehitindeg sikandin te munyumintu para te keugelingen din diyà te Suǥud te Hadì, su wazè din anak he maama he ebpekeuwit te ngazan din. Migngezanan din haazà te “Munyumintu ni Absalom,” ne iyan ded heini ngazan din taman guntaan.

2 Samuel 23:35

si Hezro he tig-Carmel; si Paarai he tig-Arba;

1 Hadì 18:42

Umbe, migenat si Ahab su egkaan, ne si Elias mulà, midtekezeg diyà te puntur te Carmel is mid-ampù he eduzungul ziyà te tanà.

2 Cronica 26:10

Midtukud daan sikandin te menge turi ziyà te sibsivayan ne mibpekalut te mezakel he menge vudsi he punduwà te wahig su utew mezakel is menge ayam din diyà te menge mibuntud-buntud diyà te edsenlepan wey ziyà te menge suǥud. Mevasuk daan sikandin. Duen din menge sakup he ebantey zutun te menge vevesukè din wey menge pemuleey te paras diyà te menge vuvungan wey ziyà te egkeveluyan he menge suǥud.

Josue 15:55

Is Maon, Carmel, Zif, Juta,

1 Samuel 13:12

Neisip ku he kela ke surunga key en te menge Filistihanen kayi te Gilgal ne wazè key pa mekepemuhat diyà te Nengazen para te kebuyù te tavang din, umbe nepeǥes ad te kebpemuhat te pemuhat he edtutungen.”

1 Samuel 13:15

Ne zutun migenat si Samuel puun te Gilgal ne mibpehendiyà te Gibea he sakup te Benjamin. Mibilang ni Saul is nengesamà he menge etew zin; menge 600 dà langun.

1 Samuel 17:20

Umbe, zutun te sunud he andew midsayu med-enew si David, ne mid-andam te egkeenen he ed-uwiten din. Ne impeventayan din is menge kerehidu zin duen te sevaha he bekidu, ne migenat sikandin sumalà te migkaǥi kandin te amey zin. Ne hein nekeuma sikandin diyà te kampu te menge Israilihanen, nenggawas is menge sundaru he ebpemengulahì te kulehian te ebpekidtebek.

1 Samuel 25:2

Dutun te Maon duen sevaha he etew zutun he zekelà is ketiǥeyunan din, duen tanè din diyà te Carmel. 1,000 is kambing din ne 3,000 is kerehidu zin ne ebpen-elutan din diyà te Carmel.

1 Samuel 7:12

Ne migkuwa si Samuel te vatu ne insavuk din diyà te pid-elangan te Mizpa wey Shen. Migngezanan din heini te Ebenezer su ke sikandin te, “Taman en guntaan is kedtevangi kenitew te Nengazen.”