1 Samuel 15:1 - Manobo Western Bukidnon OT

¹ Migkeǥiyan ni Samuel si Saul te, “Iyan a zengan midsuǥù te Nengazen te kebpetiǥisi te lana ziyà te kenikew he tuus te mibpilì ka iyan he hadì te keet-etawan din he menge Israilihanen. Umbe pemineǥa nu heini is lalag te Nengazen he Mekeǥeǥehem:

1 Samuel 15:1 ပူးပေါင်းရင်းမြစ်များ

2 Hadì 7:1

Midtavak si Elisha te, “Pemineǥa nu is egkeǥiyen te Nengazen: ‘Te iring kayi he uras keeselem, eberatu is egkengepemasa ziyà te velegyeey ziyà te Samaria. Is bali te tetelu he ǥantang he herina, senge vuuk dà he pelata, ne iring ded dutun is bali te heenem he ǥantang he barli.’ ”

1 Samuel 10:1

Migkuwa si Samuel te senge umuy he lana, ne in-itis din te ulu ni Saul. Neipus dutun midhezekan din si Saul ke sikandin te, “Is Nengazen iyan mibpilì kenikew he iyan ebpengulu te keet-etawan he gaked din.

1 Samuel 12:14

Sikiyu wey is hadì niw, wazà minsan hengkey he ebpekekaid keniyu, emun edtahud kew te Nengazen he iyan Megbevayè niw wey edsunud kew te menge suǥù din.

1 Samuel 13:13

Migkaǥi si Samuel te, “Kelelelungan is mibeelan nu. Wazè nu tumana is insuǥù kenikew te Nengazen he iyan Megbevayè nu he intelaan din kenikew. Emun midtuman nu pezem, ne is menge kevuwazan nu ne iyan ebpedayun he edhadì te Israel.

1 Samuel 9:15

Dutun te midlavey en he andew migkeǥiyan te Nengazen si Samuel te wazè pa mekeuma si Saul. Ke sikandin te,

1 Samuel 9:16

“Keeselem te iring ded kayi he uras, duen sevaha he etew he ibpehendiyan ku he ebpuun te lugar he Benjamin. Lenahi is ulu zin he iyan tuus he iyan sikandin nepilì he pengulu te menge etew ku he Israilihanen. Iyan sikandin edlibri te menge etew ku he nengesakup te menge Filistihanen, su neehè ku is kebpekeantus dan utew, wey nezineg ku is kebuyù dan te tavang.”