1 Samuel 14:47 - Manobo Western Bukidnon OT

⁴⁷ Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.

1 Samuel 14:47 ပူးပေါင်းရင်းမြစ်များ

Genesis 19:37

Mid-anak haazà is kakey, ne maama is anak din, ne migngezanan din ki Moab. Iyan sikandin kepuun te menge Moabitanhen guntaan.

Genesis 19:38

Mid-anak daan haazà is hazi, ne maama zaan is anak din, ne migngezanan din ki Ben Ami. Iyan sikandin kepuun te menge Amunihanen guntaan.

Genesis 36:1

Iyan heini guǥud mehitenged te pemilya ni Esau (he egngenazan daan te Edom).

Genesis 36:19

Pudu sikandan menge kevuwazan ni Esau he menge pengulu ziyà te Edom.

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

2 Samuel 1:22

Pinaaǥi te ispada ni Saul wey te panà ni Jonatan, mezakel is nepatey zan he memevurut he menge kuntada zan.

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

2 Samuel 8:15

Nehimu he hadì si David te tivuuk he Israel ne mibeelan din is metazeng wey hustu para te langun he menge etew zin.

2 Samuel 8:3

Nekidtebek daan si David ki Hadì Hadadezer he hadì te Zoba, he anak ni Rehob, hein egenat en si Hadadezer su ed-umanan din te ed-aǥew is tanà he uvey te Wahig he Eufrates.

1 Hadì 11:23

Duen pa sevaha he etew he ketau te Megbevayà he kuntedaha zin si Solomon. Iyan sikandin si Rezon he anak ni Eliada. Mibpeleǥuyan din is egalen din he si Hadì Hadadezer he hadì te Zoba,

2 Hadì 14:27

Wey tenged te wazà megkaǥi is Nengazen he id-awè din kayi te kelibutan is Israel, umbe midlibri zin sikandan pinaaǥi ki Jeroboam II, he anak ni Joash.

1 Samuel 12:2

Guntaan duen niw en hadì he ebpengulu keniyu. Siak, nehimu a he pengulu niw puun pa te betan-en e pa taman guntaan piru meǥurang ad su uvanen e en, ne guntaan, duma niw en daan is menge anak ku he maama.

1 Samuel 13:1

Mibpenuiǥen te 30 si Saul he nehimu sikandin he hadì te Israel, ne midhadì sikandin seled te 42 he tuig.

1 Samuel 14:46

Ne si Saul wazè en mebpedayun te kedal-as te menge Filistihanen, ne midlikù sikandan diyà te lugar zan.

1 Samuel 14:52

Layun dà edtebek is menge Israilihanen wey menge Filistihanen seled te kedhadì ni Saul. Ne emun duen egkeehè din he mevurut wey mezesen he etew edhimuwen din he sundaru.

1 Samuel 21:7

Neserengà te haazà he andew ne ziyà is suluǥuen ni Saul he si Doeg he Edomanhen. Iyan sikandin pengulu te ebantey te menge uyaǥen ni Saul. Diyà sikandin su zuen din sulunuzen para te Nengazen.