1 Samuel 14:44 - Manobo Western Bukidnon OT

⁴⁴ Midtavak si Saul te, “Uya! Su emun kenè ku sikew ebpehimetayan, deyzey pezem ke iyan ad edsilutan te Megbevayà te utew mereǥen.”

1 Samuel 14:44 ပူးပေါင်းရင်းမြစ်များ

Genesis 38:24

Hein midlavey en is tetelu he vulan, netudtulan si Juda he is ambey zin he si Tamar ebpemelegyà te zengeg din ne mibmeǥingey en. Umbe migkaǥi si Juda te, “Uwita niw sikandin diyà te ǥawas te inged ne binsuli niw.”

2 Samuel 12:31

Mid-uripen din is menge meǥinged kayi ne impemeterebahu zin he egamit te menge ǥavas, piku, wey wasey. Impevaal zin daan sikandan te menge brik. Iyan heini mibpeveelan din te langun he menge meǥinged diyà te menge inged te menge Amunihanen. Ne mid-ulì si David diyà te Jerusalem wey is langun he menge sundaru zin.

2 Samuel 12:5

Utew nepeuki ni David haazà is etew he sepian ne migkaǥi sikandin diyà te ki Natan te, “Idsaad ku ziyà te uuyag he Nengazen he engayan he edhimetayan is etew he mibaal zutun.

2 Samuel 19:13

Ne keǥiya niw heini ki Amasa, ‘Tenged te lengesa ku en sikew, edhimuwen ku sikew he peremandar te menge sundaru ku he id-ilis ku ki Joab. Emun ke kenè ku heini ebeelan, ne berakat he purungi a siluti te Megbevayà.’ ”

2 Samuel 3:9

Emun iyan heeyan, ne deyzey pa ke ed-uǥupan ku si David he metuman is saad kandin te Nengazen, ne verakat he siluti a te Megbevayà emun ke kenè ku sikandin edtevangan.

Erubasa 25:16

Kenè ka mebpesubra te kegkaan te teneb su kela ke mekeutè ka.

Zatù 11:35

Ne hein naahà sikandin ni Jefta, mibindas din is bisti zin tenged te kegkeseeng din, ne ke sikandin te, “Anak ku, midhimu nu he utew a meseeng! Su nekepenangdù a ziyà te Nengazen he ibpemuhat ku ziyà te kandin is egkehuna he edsinuǥung kedì, ne kenè ku en heini egkevelvelewanan!”

Ruth 1:17

Ke hendei ka ebpatey zutun a zaan ebpatey, ne zutun a zaan idleveng. Berakat he siluti a te Nengazen te utew meveǥat emun edsuwayan ku sikew ǥawas te kemetayen.”

1 Samuel 14:39

Idsaad ku te uuyag he Nengazen he iyan midluwas te menge Israilihanen, he is ebpekesalà ne edhimetayan, minsan si Jonatan he anak ku.” Ne zutun wazà minsan hentei he midtavak.

1 Samuel 25:22

Deyzey ke edsilutan a te Megbevayà te utew mereǥen ke kenè ku egkaamin te edhimatey is langun he menge maama he sakup din.”

1 Samuel 3:17

Migkaǥi si Eli te, “Hengkey is migkaǥi kenikew te Nengazen? Kenè nu i-eles kedì. Utew mereǥen is silut kenikew te Megbevayà emun kenè nu ibpenudtul is langun he migkaǥi zin kenikew.”