1 Samuel 14:38 - Manobo Western Bukidnon OT

³⁸ Ne zutun migkeǥiyan ni Saul is menge pengulu te menge Israilihanen te, “Uvey kew kayi, su wey tew metueni ke hengkey he salà is neveelan tew te heini he andew.

1 Samuel 14:38 ပူးပေါင်းရင်းမြစ်များ

2 Samuel 18:3

Midtavak haazà is menge sakup din te, “Kenè en kinahanglan he meduma ke pa kenami. Su kenè key en idtetenged te menge kuntada ke ebpelaǥuy key, wey edhimetayan dan is ketengà kenami. Iyan dan pa ganì egkesuatan he iyan ke zan mepatey kenà ke iyan heini is tig-10,000 kayi te kenami. Umbe meupiya pa ke kayi ke zà pelintetaǥak te inged ne peuwiti key zà ke hengkey is igketavang nu kenami.”

Salmo 47:9

Edtiǥum is menge pengulu te menge nasyun duma is menge etew te Megbevayà ni Abraham. Su is menge pengulu te kelibutan gaked te Megbevayà. Mezait iyan sikandin he edeliǥen.

Zacarias 10:4

Ebpuun diyà te kandan is menge pengulu he iring te vatu he zutun ebpuuni is kedsukud, palpal te tulda, wey panà he para te tebek.

Numero 24:17

“Duen neehè ku ziyà te nelewasan ku he wazè pa mehitavù. Diyà te ebpekeuma he timpu, duen egkehimu he hadì te Israel he ebpuun diyà te kevuwazan ni Jacob. Ne edezeetan din is menge Moabitanhen wey is langun he kevuwazan ni Shet.

Josue 7:11

Nekesalà is Israel; midrapas dan is kebpekid-uyun ku. Migkuwa zan te menge vutang he impurung en ipemuhat kayi te kedì. Midtakew zan heini, midtarùtarù dan bahin kayi, ne intampu zan heini te menge azen dan.

Josue 7:12

Iyan heini hinungdan ke maan is kenè dan ebpekesukul te menge kuntada zan. Mibpeleǥuyan dan is menge kuntada zan, su edezeetan man daan sikandan he pemuhat kayi te kedì. Kenà ad ebpekiduma keniyu taman te kenè niw edezeetan heeyan is menge azen he para zà kediey.

Zatù 20:2

Dutun is menge pengulu te kada tribu te Israel te kedtiǥum te menge etew te Megbevayà. 400,000 sikandan is langun he menge sundaru he neǥumeenan te ispada.