1 Samuel 14:18 - Manobo Western Bukidnon OT

¹⁸ Migkeǥiyan ni Saul si Ahia te, “Uwita kayi kes Kavan te Kebpekid-uyun te Megbevayà.”

1 Samuel 14:18 ပူးပေါင်းရင်းမြစ်များ

2 Samuel 11:11

Midtavak si Uria te, “Sikan is Kavan te Kebpekid-uyun wey is menge sundaru te Israel wey Juda diyà te kampu zan diyà te menge suǥud, ne zutun daan is peremandar zey he si Joab wey is menge upisyal zin. Ebpekehimu e pe be he ed-ulì te kegkaan, ked-inum, wey te kedhulid te esawa ku? Ibpenangdù ku kenikew he kenè ku egkeulaula is iring keniyan.”

Numero 27:21

Pinaaǥi ki Eleazar egketuenan din is egkesuatan ku pinaaǥi te kegamit ni Eleazar te beveraan he Urim diyà te etuvangan ku. Pinaaǥi kayi egkeǥiyahan ni Eleazar si Josue wey is langun he menge Israilihanen te ereg he ebeelan dan.”

Zatù 20:18

Midhendiyà te Betel is menge Israilihanen ne mid-insè dan diyà te Megbevayà ke hentei ki tribu is edhuna edsurung te menge Benjaminhen. Ne midtavak is Nengazen te, iyan is tribu ni Juda.

1 Samuel 14:17

Migkeǥiyan ni Saul is menge sakup din te, “Tiǥuma niw is menge sundaru wey ahaa niw ke hentei is naawà.” Netuenan dan dutun he si Jonatan wey kes tig-uwit te ǥumaan din is naawà dutun.

1 Samuel 14:36

Migkaǥi si Saul te, “Edsurungen tew ǥuntaan te mezukilem is menge Filistihanen. Ebpenhimetayan tew sikandan langun wey ebpenguwaan tew is menge azen dan taman te egkepawà.” Midtavak is menge etew te, “Beeli nu ke hengkey is meupiya.” Piru migkaǥi is memumuhat te, “Ed-insaan te pa is Megbevayà mehitenged keniyan.”

1 Samuel 23:9

Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.

1 Samuel 5:2

Ne ziyè dan itaǥù te valey he para te ed-ezapen dan he si Dagon ne zutun dan isavuk te zurug te ledawan din.

1 Samuel 7:1

Migkuwa te menge tig-Kiriat Jearim kes Kavan te Nengazen ne mid-uwit dan diyà te valey ni Abinadab he ziyà te vuntud. Ne mibpilì dan sin Eleazar, he anak ni Abinadab, he iyan ibpevantey.