1 Samuel 14:16 - Manobo Western Bukidnon OT

¹⁶ Diyà te Gibea, he sakup te tanà he Benjamin, naahà te menge bantey ni Saul is menge sundaru te menge Filistihanen, ebpemelaǥuy minsan hendei zà ebpekepevayà.

1 Samuel 14:16 ပူးပေါင်းရင်းမြစ်များ

Salmo 58:7

Mahanew pezem sikandan iring te wahig he egkemezahan, ne emun ebpanà sikandan, ne kenè dan pezem mekeigù.

Salmo 68:2

Segseǥa nu sikandan iring te evel he idlayap te keramag. Dezeeti nu is menge lalung diyà te etuvangan nu, iringa nu te kendilà he egketunew te hapuy.

Isaias 19:2

Migkaǥi is Nengazen te, “Ibped-uney ku ibpedtetebek is menge Ehiptohanen: suled kuntra te suled, siringan kuntra te siringan, inged kuntra te inged, wey ginhedian kuntra te ginhedian.

Zatù 7:22

Ne zutun te kebpezeǥinga zuen te 300 he menge Israilihanen te menge vudyung dan, mibpengelinteuwan te Nengazen he med-uney medtebek is menge etew zutun te kampu te menge Midianhen. Is duma kandan mibpelaǥuy pehendiyà te Bet Shita he uvey te Zerera pelaus diyà te dulunà te Abel Menola he uvey te Tabat.

1 Samuel 14:15

Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.

1 Samuel 14:17

Migkeǥiyan ni Saul is menge sakup din te, “Tiǥuma niw is menge sundaru wey ahaa niw ke hentei is naawà.” Netuenan dan dutun he si Jonatan wey kes tig-uwit te ǥumaan din is naawà dutun.

1 Samuel 14:20

Ne zutun midtiǥum ni Saul is menge sakup din, ne migenat dan is ebpekidtebek. Neehè dan is menge Filistihanen he egkegurigew su mid-uuney zan mebpehimhimetayà te ispada.