1 Samuel 14:15 - Manobo Western Bukidnon OT

¹⁵ Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.

1 Samuel 14:15 ပူးပေါင်းရင်းမြစ်များ

Genesis 35:5

Ne hein migenat en dutun ensi Jacob, mibpengelinteuwan te Megbevayà he mahandek is menge meǥinged te menge siringan dan he inged, umbe wazè dan mezal-as ensi Jacob.

2 Samuel 5:24

Emun egkezineg niw he henduen te ebmartsa is menge sundaru ziyà te zapit te zivavew zutun te menge kayu he balsam, ne surunga niw en su iyan tuus heeyan he iyan a edhuna te kedsurung niw te menge Filistihanen.”

Job 18:11

Neliǥuy sikandin te igkahandek din ne henduen be te edal-as heini kandin.

Salmo 14:5

Piru egkengeheratan sikandan, su edlevanan te Megbevayà is menge metazeng.

Exodus 19:18

Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,

Daniel 5:6

Ne tenged dutun mibpengerker wey mibmemeluntak haazà is hadì te kegkahandek din.

Josue 2:9

ne migkeǥiyan din sikandan te, “Netuenan ku he imbeǥey keniyu te Nengazen heini he tanà ne utew kew ingkahandek te menge etew kayi.

Zatù 7:21

Is kada sevaha kandan mibpelastar ziyà te peliǥuy zuen te kampu, piru sikan is menge kuntada zan, ne erang dan dà te ebpemelaǥuy.

1 Samuel 13:17

Tetelu he grupu is menge Filistihanen he midsurung, is sevaha he grupu ziyà mebayà te Ofra, he tanà te Shual.

1 Samuel 13:18

Is ikezuwa ne ziyà mebayà te Bet Horon, ne is iketelu ne ziyà mebayà te dulunà he egkepantew ta is suǥud-suǥud te Zeboim he zapit te sibsivayan.

1 Samuel 13:23

Midsuǥù is menge Filistihanen te menge sundaru he ibpevantey te zalan diyà te Micmash.

1 Samuel 14:14

Ne te nehuna he kedsurung dan, ne 20 is nepatey zan he Filistihanen dutun te lugar he tengà he hiktarya is keluag din.

1 Samuel 14:16

Diyà te Gibea, he sakup te tanà he Benjamin, naahà te menge bantey ni Saul is menge sundaru te menge Filistihanen, ebpemelaǥuy minsan hendei zà ebpekepevayà.

1 Samuel 7:10

Ne te kemulu pa si Samuel ebpemuhat te pemuhat he edtutungen, nemekeume en is menge Filistihanen su ebpekidtebek dan te menge Israilihanen. Piru zutun he andew imperuǥung te Nengazen te utew mezaǥing ne nengahandek dan ne nekedsusuwey zan.