1 Samuel 14:14 - Manobo Western Bukidnon OT

¹⁴ Ne te nehuna he kedsurung dan, ne 20 is nepatey zan he Filistihanen dutun te lugar he tengà he hiktarya is keluag din.

1 Samuel 14:14 ပူးပေါင်းရင်းမြစ်များ

2 Samuel 17:9

Minsan buwa ǥuntaan ne ziyè en sikandin te menge surung wey ke ziyè be te zuma he lugar. Emun diyà te egkehuna he kedtebek niw ebpematey is duma he menge sundaru nu, is ebpekezineg kayi, ebpekekaǥi zan he nezaag is menge sundaru nu.

Zatù 15:15

Ne nekaahà si Samson te tulan te bakà te asnu he veǥu pa he minatey. Migkuwa zin haazà ne migamit din te kedhimatey te 1,000 he menge Filistihanen.

Zatù 9:54

Migègaanan din umawa is tig-uwit te ǥumaan din, ne migkeǥiyan din te, “Hulevuta nu is ispada nu ne himetayi a su para kenà sikandan mekekaǥi te vahi zà is nekepatey kediey.” Umbe midsundang sikandin dutun te suluǥuen din ne minatey sikandin.

1 Samuel 14:13

Mibpenanap si Jonatan ne edsunud kandin kes tig-uwit te ǥumaan din he edtekezeg. Ne mibpenhimetayan din kes menge Filistihanen, ne iyan daan mibeelan te tig-uwit te ǥumaan din.

1 Samuel 14:15

Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.