1 Samuel 14:13 - Manobo Western Bukidnon OT

¹³ Mibpenanap si Jonatan ne edsunud kandin kes tig-uwit te ǥumaan din he edtekezeg. Ne mibpenhimetayan din kes menge Filistihanen, ne iyan daan mibeelan te tig-uwit te ǥumaan din.

1 Samuel 14:13 ပူးပေါင်းရင်းမြစ်များ

Salmo 18:29

Tenged te kedtavang nu, ebpekehimu a he edsurung te menge sundaru, ne egpekehimu a zaan he ebpemenahik te verengbeng he nekeliǥuy te inged.

Deuteronomio 28:7

Ibpezaag te Nengazen keniyu is menge kuntada niw he edsurung keniyu. Edrapungrapung dan is edlusud keniyu piru ebpekedsusuwey is ebpemelaǥuy keniyu.

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.

Josue 23:10

Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

Zatù 9:54

Migègaanan din umawa is tig-uwit te ǥumaan din, ne migkeǥiyan din te, “Hulevuta nu is ispada nu ne himetayi a su para kenà sikandan mekekaǥi te vahi zà is nekepatey kediey.” Umbe midsundang sikandin dutun te suluǥuen din ne minatey sikandin.

1 Samuel 14:12

Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”

1 Samuel 14:14

Ne te nehuna he kedsurung dan, ne 20 is nepatey zan he Filistihanen dutun te lugar he tengà he hiktarya is keluag din.