1 Samuel 14:12 - Manobo Western Bukidnon OT

¹² Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”

1 Samuel 14:12 ပူးပေါင်းရင်းမြစ်များ

Genesis 24:42

“Umbe, geina te kebpekeuma ku ziyà te kalut, mid-ampù a. Ke siak te, ‘Nengazen, Megbevayà te egalen ku he si Abraham, berakat he ituǥut nu he mehimu is tuyù ku te kedhengkayi ku.

Genesis 24:48

Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.

2 Samuel 5:24

Emun egkezineg niw he henduen te ebmartsa is menge sundaru ziyà te zapit te zivavew zutun te menge kayu he balsam, ne surunga niw en su iyan tuus heeyan he iyan a edhuna te kedsurung niw te menge Filistihanen.”

2 Hadì 14:8

Ne sevaha he andew, midsuǥù ni Amazia ziyà te hadì te Israel he si Jehoash he anak ni Jehoahaz he apù ni Jehu is menge menunudtulà. Ne midhinggat din si Jehoash he ebpetebekè dan.

Zatù 4:14

Ne migkeǥiyan ni Debora si Barak te, “Genat ke en, su iyan heini andew he ebpengelinteuwan te Nengazen he mezaag nu si Sisera. Ebpetelihuna kenikew is Nengazen.” Umbe midtupang si Barak dutun te Buntud he Tabor zuma sikan is 10,000 he menge sundaru zin.

Zatù 7:14

Midtavak is sevaha te, “Wazè en duma he ibpesavut keniyan, kekenà, iyan is ispada ni Gideon te Israilihanen he anak ni Joash. Ibpezaag kandin te Megbevayà is menge Midianhen, wey sikitew en is langun.”

Zatù 7:15

Ne hein nezineg ni Gideon haazà is teǥeinep wey is kehuluǥan din, ne midalig din is Nengazen. Ne midlikù sikandin diyà te kampu te menge Israilihanen ne migkeǥiyan din is menge zuma zin te, “Gaanggaan kew en, su ibpezaag kenitew te Nengazen is menge Midianhen.”

Zatù 9:54

Migègaanan din umawa is tig-uwit te ǥumaan din, ne migkeǥiyan din te, “Hulevuta nu is ispada nu ne himetayi a su para kenà sikandan mekekaǥi te vahi zà is nekepatey kediey.” Umbe midsundang sikandin dutun te suluǥuen din ne minatey sikandin.

1 Samuel 14:10

Piru emun egkaǥi zan te iyan ki edtekezeg, edtekezeǥan ta sikandan, su iyan tuus haazà he ibpezaag te Nengazen sikandan kenita.”

1 Samuel 14:13

Mibpenanap si Jonatan ne edsunud kandin kes tig-uwit te ǥumaan din he edtekezeg. Ne mibpenhimetayan din kes menge Filistihanen, ne iyan daan mibeelan te tig-uwit te ǥumaan din.