1 Samuel 14:1 - Manobo Western Bukidnon OT

¹ Ne sevaha he andew, migkeǥiyan ni Jonatan kes betan-en he tig-uwit te ǥumaan din te, “Hengkayi ke en, su edhendiyè ki te bentayà te menge Filistihanen su ebpeniid ki.” Piru wazè din ipetukew is amey zin te mibeelan din.

1 Samuel 14:1 ပူးပေါင်းရင်းမြစ်များ

Micas 7:5

“Ne ǥuntaan te utew en mezaat is ulaula te menge etew, ne kenè kew en sarig te menge emiǥu niw, minsan is utew niw menge emiǥu. Ne pekeventayi niw is menge lalag niw minsan diyà te minahal niw he esawa.

Zatù 14:6

Ne si Samson, mibeǥayan sikandin te ǥehem te Mulin-ulin te Nengazen, ne zutun mibaas din haazà is erimaung pinaaǥi zà te menge velad din he henduen be te nati zà he kambing is mibaas din. Piru wazè din haazà tudtula te menge ǥinikanan din.

Zatù 14:9

Migkuwa sikandin duen te teneb ne migkaan din dutun te kedhipanew zin. Ne hein nelambag din is menge ginikanan din, mibeǥayan din te teneb, ne migkaan dan haazà. Piru wazè din sikandan tudtuli he ziyè din haazà mekuwa te lawa zuen te minatey he erimaung.

Zatù 6:27

Umbe, miduma ni Gideon is sepulù he suluǥuen din ne mibeelan dan is insuǥù te Nengazen kandin. Piru mezukilem is kebeeli zin dutun su egkahandek sikandin te pemilya zin wey te menge emurè din te inged.

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 13:22

Umbe, te timpu te tebek, wazà minsan sevaha he ispada wey bangkew te menge Israilihanen gawas ki Saul wey ki Jonatan.

1 Samuel 13:23

Midsuǥù is menge Filistihanen te menge sundaru he ibpevantey te zalan diyà te Micmash.

1 Samuel 14:2

Ne te haazà he andew diyà si Saul te sihung te kayu he pumigranata ziyà te Migron, te dulunà te Gibea. Duma is 600 he menge sakup din.

1 Samuel 25:19

ne migkeǥiyan din is menge suluǥuen din te, “Huna kew, su edsunud e zà keniyu.” Piru wazè din tudtuli is esawa zin he si Nabal.