1 Samuel 13:6 - Manobo Western Bukidnon OT

⁶ Ne hein naahà te menge Israilihanen he dilikadu zan, ne nen-eles dan diyà te menge surung, wey ziyà te menge budsi, wey ziyà te menge nekesungkarub he menge vatu, wey ziyà te menge kalut.

1 Samuel 13:6 ပူးပေါင်းရင်းမြစ်များ

2 Samuel 24:14

Midtavak si David diyà te ki Gad te, “Egkereǥenan a utew te kebpilì. Deyzey pa ke iyan en is Nengazen edsilut kenami te menge etew, su hihizuwen is Nengazen.”

Isaias 42:22

Piru ǥuntaan is menge etew zin, mibpenekawan, mid-aǥew is menge azen dan, mibpirisu zan diyà te vudsi wey pirisuwan, ne wazà midtavang kandan.

Jeremias 41:9

Is budsi he mibpen-uluǥan ni Ishmael te nemematey he mibpenhimetayan din duma te lawa ni Gedalia, gaked ni Hadì Asa he impekalut din hein midsurung sikandan ni Hadì Baasha he hadì te Israel. Heini he vudsi mibpenù ni Ishmael te nemematey.

Ezekiel 33:27

Iyan a, is uuyag he Nengazen he MEGBEVAYÀ, nenangdù he siguradu he ebpemematey te tebek sikan is nengesamà he uuyag duen te nerundus he inged. Is menge nengesamà he uuyag diyà te menge vevesukà edewiyen te zumezaas he menge langgam, ne is duma kandan he ziyà te menge elesà wey menge surung ebpematey te zaru.

Josue 8:20

Ne kedlilingey te menge tig-Ai, neehè dan is evel he ebpuun dutun te inged. Wazè dan en egkepeleǥuyan su mid-etuvang en man sikandan duen te menge Israilihanen he edel-asen dan pehendiyà te sibsivayan.

Zatù 10:9

Midlayun is menge Amunihanen diyà te zapit te edsenlepan te Wahig he Jordan ne mibpekidtebek dan te menge tribu ni Juda, ni Benjamin, wey ni Efraim. Tenged kayi, utew nerasey is menge Israilihanen.

Zatù 20:41

Ne miberiyung is menge Israilihanen, ne mid-etaki zan is menge Benjaminhen. Nengeheratan is menge Benjaminhen su nesavut dan he hapit en sikandan egkepurung egkezeeti.

Zatù 6:2

Utew mesipala is menge Midianhen, umbe nepeǥes is menge Israilihanen te ked-eles diyà te menge vuvungan, menge surung, wey zuma pa he egkehimu he ed-elesan.

1 Samuel 13:15

Ne zutun migenat si Samuel puun te Gilgal ne mibpehendiyà te Gibea he sakup te Benjamin. Mibilang ni Saul is nengesamà he menge etew zin; menge 600 dà langun.

1 Samuel 14:11

Hein mibpeehè dan is dezuwa te menge Filistihanen, mid-undaunda zà sikandan te menge Filistihanen he egkaǥi te, “Ahaa niw man is menge Hebriyuhanen! Midliǥawang dan en dutun te budsi he ed-elesan dan.”

1 Samuel 14:22

Is menge Israilihanen he nemen-eles diyà te vuvungan te Efraim nezineg dan he nemelaǥuy en is menge Filistihanen, ne mid-apil en sikandan he ebpendal-as te menge Filistihanen.

1 Samuel 23:19

Ne zuen, duen menge tig-Zif he midhendiyà te ki Saul ziyà te Gibea ne migkaǥi te, “Si David diyà med-eles te kenami ziyà te Horesh he vuntud te Hakila, dapit te divavà te Jeshimon.

1 Samuel 24:3

Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.

1 Samuel 31:7

Haazà he timpu ne zuen menge Israilihanen he ziyà med-ubpà te divaluy he menge suǥud he Jezreel wey ziyà layun te Wahig he Jordan. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.

1 Samuel 7:7

Hein nezineg te menge Filistihanen he is menge Israilihanen ne midtiǥum dan diyà te Mizpa, nengandam is menge pengulu te Filistihanen su edsurung dan. Hein netudtulan is menge Israilihanen, utew zan nengahandek te menge Filistihanen.