1 Samuel 13:5 - Manobo Western Bukidnon OT

⁵ Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.

1 Samuel 13:5 ပူးပေါင်းရင်းမြစ်များ

2 Samuel 17:11

Umbe, edsembaǥan ku sikew he vurvuruna nu is langun he Israilihanen puun te Dan pehendiyà te Beersheba, he iyan egkeiringan niw is pantad diyà te veyvey he utew mezakel. Ne iyan ke en pengulu kandan te kebpekidtebek.

1 Hadì 20:27

Midtiǥum daan is menge Israilihanen wey in-andam dan is menge kinahanglan dan ne migenat dan is ebpekidtebek te menge Aramihanen. Ne atbang is kampu zan te kampu te menge Aramihanen. Piru henduen dà sikandan te dezuwa he dezeisey he layud te menge kambing emun idhindeg te menge Aramihanen he nekeeneb diyà te menge suǥud.

2 Cronica 1:9

Ne ǥuntaan, Nengazen he Megbevayà, tumana nu is impenangdù nu te amey ku he si David, su midhimu a kenikew he hadì te keet-etawan he iring kezakel te pantad.

Isaias 10:28

Midsurung te menge tig-Asiria is Ayat. Diyà sikandan mebayà te Migron ne intaǥak dan diyà te Micmash is menge uwiten dan.

Isaias 48:19

Egkeiring pezem te pantad he kenà egkevilang is menge kevuwazan niw, ne kenà pezem sikandan egkezeetan wey egkahanew ziyà te etuvangan ku.”

Jeremias 15:8

Ibpemahabet ku is menge vahi keniyu he egkevalu, henduen be te edhuna pa he mahabet sikandan kenà te pantad diyà te veyvey. Meudtu, ne edsuǥuen ku is ebpendezaat te menge iney te menge anak niw he maama. Egketik-awan kew egkeumahi te kegkeseeng wey kegkahandek.

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Hoseas 5:8

“Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Josue 11:4

Mibpeteltelevukà heini he menge hadì duma te menge sundaru zan. Iring sikandan kahabet te pantad diyà te veyvey, utew zaan mezakel is menge kudè dan wey menge kerwahi zan.

Josue 18:12

Is dulunà kayi ziyà te zizaya ne puun te Wahig he Jordan, ne mibpehendiyè te zizaya he vahin te Jerico, pehendiyà en te menge vuvungan diyà te edsenlepan taman te sibsivayan te Bet Aven.

Josue 7:2

Puun te Jerico midsuǥù si Josue te menge etew he ibpepeniid te Ai, sevaha heini he inged he zapit te edsilaan he vahin te Betel, he uvey te Bet Aven. Umbe migenat haazà he menge etew su ebpeniid dan.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

1 Samuel 13:11

piru mid-insà si Samuel te, “Hengkey is mibeelan nu?” Midtavak si Saul te, “Neehè ku he egkenaney en egketerini is kahabet te menge etew su ebpemelaǥuy, wey wazè ka mekeuma zuen te midtendek nu he uras, ne is menge Filistihanen he nekaandam dan en te kebpekidtebek diyà te Micmash su midtiǥum dan en.

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.

1 Samuel 14:23

Ne zutun nekeume en diyà te Bet Aven is edtebek. Mibpengelinteuwan te Nengazen he mekezaag is menge Israilihanen.

1 Samuel 14:52

Layun dà edtebek is menge Israilihanen wey menge Filistihanen seled te kedhadì ni Saul. Ne emun duen egkeehè din he mevurut wey mezesen he etew edhimuwen din he sundaru.

1 Samuel 17:1

Dutun he timpu midtiǥum te menge Filistihanen is menge sundaru zan diyà te Soco he sakup te Juda, para te tebek. Migkampu zan diyà te Efes Damin he pid-elangan te Soco wey Azeka.

1 Samuel 7:13

Nezaag human te menge Israilihanen is menge Filistihanen, ne wazè dan en maan mekepenurung diyà te ubpaan te menge Israilihanen te uuyag pa si Samuel, su is menge Israilihanen, midtevangan sikandan te Nengazen.