1 Samuel 13:19 - Manobo Western Bukidnon OT

¹⁹ (Dutun he timpu, wazà Israilihanen he metau he ebpenalsal. Kenà egkesuat is menge Filistihanen he zuen Israilihanen he egketau ebpenalsal su kela ke mebpemaal zan daan te menge ispada wey menge vangkew.

1 Samuel 13:19 ပူးပေါင်းရင်းမြစ်များ

2 Hadì 24:14

Ne mibihag din is 10,000 he menge meǥinged diyà te Jerusalem, ragkes en is langun he menge upisyal wey is kinemeupiyahan he menge sundaru, ne is langun he memetau he ebaal, wey menge platiru. Iyan dà nesamà is utew menge pubri.

Isaias 54:16

Pemineg ka! Iyan a mibaal te menge pandey te mital he edhiyup te hapuy wey vaǥa te uring wey ebpemaal te ǥumaan. Ne kediey zaan he limbag is menge ebpendezaat he egamit kayi he menge ǥumaan te kebpendezaat dan.

Jeremias 24:1

Duen impelewasan kedì te Nengazen hein mibihag en ni Hadì Nebucadnezar he hadì te Babilonia si Hadì Jehoyakin he hadì te Juda, he anak ni Jehoyakim. Mid-uwit si Jehoyakin diyà te Babilonia ragkes is menge upisyal zin wey is memetau he menge pandey wey menge terebahanti. Hein neipus heini he hitavù ne zuen impelewasan te Nengazen kedì. Dutun te nelewasan ku neehè ku is dezuwa he vaskit he veǥas te higus he ziyà te egkesineruwan duen te valey te Nengazen.

Zatù 5:8

Hein mid-azap sikandan te veǥu he menge ed-ezapen, nehitavù is tebek diyà te tivuuk he Israel. Piru te 40,000 he menge Israilihanen ne wazà minsan sevaha kandan he zuen din kelasag etawa vangkew.

1 Samuel 13:20

Umbe, edhendiyà is menge Israilihanen te menge Filistihanen su egkemengaan dan is punta te eradu zan, menge piku, wasey, wey menge garab.