1 Samuel 13:18 - Manobo Western Bukidnon OT

¹⁸ Is ikezuwa ne ziyà mebayà te Bet Horon, ne is iketelu ne ziyà mebayà te dulunà he egkepantew ta is suǥud-suǥud te Zeboim he zapit te sibsivayan.

1 Samuel 13:18 ပူးပေါင်းရင်းမြစ်များ

Genesis 10:19

Is dulunà te menge tanè dan diyà te zivavà, puun te Sidon pehendiyà te Gerar ne nekeuma heini ziyà te Gasa. Is dulunà diyà te edsilaan nekeuma ziyà te Sodom, Gomora, Adma, wey Zeboyim taman te Lasha.

Genesis 14:2

Heini is menge hadì, ne midtebek dan ki Hadì Bera he hadì te Sodom, ki Hadì Birsha he hadì te Gomora, ki Hadì Shinab he hadì te Adma, ki Hadì Shemeber he hadì te Zeboyim, wey te hadì te Bela he iyan daan inged he Zoar.

1 Cronica 6:68

is Jokmeam, is Bet Horon

2 Cronica 8:5

Midlig-enan din is divavew wey zizalem he vahin te Bet Horon. Mibpelingutan din heini te menge verengbeng ne mibpemeelan dutun is menge pultahan he zuen dan menge terangka.

Nehemias 11:34

Hadid, Zeboim, Nebalat,

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Josue 10:10

Midteranta te Nengazen is menge kuntada hein neehè dan is menge Israilihanen. Ne ziyà te Gibeon mahabet kandan is mibpenhimetayan te menge Israilihanen. Midal-as te menge Israilihanen is duma kandan, ne mibpenhimetayan dan diyà te zalan he ebpeketekezeg diyà te Bet Horon taman te Azeka wey Makeda.

Josue 10:11

Hein edtupang sikandan puun te Bet Horon pehendiyà te Azeka edel-asen sikandan te menge Israilihanen. Ne mibpeuzanan sikandan te Nengazen te zezekelà he menge giyew ne nemematey zan. Mahabet pa is nemematey pinaaǥi te ǥiyew kenà te nemematey pinaaǥi te menge ispada te menge Israilihanen.

Josue 16:3

Ne petupang heini ziyà te edsenlepan pehendiyà te lugar te menge Jafletnen, pelaus en diyà te zulunà te Bet Horon, pelaus te Gezer taman te Daǥat he Mediteraneo.

Josue 16:5

Iyan heini vahin te tribu ni Efraim he impemeǥey ziyà te kada pemilya zan: is dulunà kayi, ne ziyà te edsilaan puun te Atarot Adar pehendiyà te ebpekehinugnew te Bet Horon

1 Samuel 14:15

Utew nengahandek is menge Filistihanen sikan is dutun te kampu, diyà te vevesukà, diyà te bentayà, wey minsan sikan is nenurung. Ne zutun midlinug, ne utew zan dutun nengahandek.