1 Samuel 13:1 - Manobo Western Bukidnon OT

¹ Mibpenuiǥen te 30 si Saul he nehimu sikandin he hadì te Israel, ne midhadì sikandin seled te 42 he tuig.

1 Samuel 13:1 ပူးပေါင်းရင်းမြစ်များ

Exodus 12:5

Iyan niw pilia is menge meemahan he uyaǥen niw he senge-tuig pa is keǥurang din wey wazè din sazir, egkehimu ke kerehidu, ne egkehimu zaan emun kambing.

Micas 6:6

Mid-insà is sevaha zuen te menge Israilihanen te, “Hengkey is hustu he ibpemuhat ku ziyà te Nengazen, he Megbevayà diyà te langit, emun ed-ezapen ku sikandin? Ebpemuhat e ve te vaka he senge-tuig is keǥurang din he pemuhat he edtutungen?

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”

1 Samuel 13:2

Ne mibpilì si Saul te 3,000 he menge maama te Israel he para ebpekidtebek te menge Filistihanen. Ne is duma he wazà mepilì ne impemeulì din. Ne miduma zin dutun is 2,000 ziyà te Micmash wey ziyà te vuntud te Betel, ne is 1,000 ne impezuma zin te anak din he si Jonatan diyà te Gibea he sakup te Benjamin.