1 Samuel 12:8 - Manobo Western Bukidnon OT

⁸ “Hein diyè pa te Ehipto is menge kevuwazan ni Jacob, mibuyù dan te penavang te Nengazen, ne midsuǥù te Nengazen si Moises wey si Aaron he iyan mibpeǥawas kandan diyà te Ehipto ne iyan miduma kandan kayi he tanà.

1 Samuel 12:8 ပူးပေါင်းရင်းမြစ်များ

Salmo 105:44

Ne imbeǥey zin kandan is tanà te zuma he menge etew; ne nesunud dan is hineǥuan te zuma.

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Exodus 6:26

Sikan is Aaron wey Moises he ingkelista kayi te guǥud te menge pemilya iyan en sikan is Aaron wey Moises he migkeǥiyan te Nengazen te, “Dumaha niw is menge Israilihanen pehendiyà te ǥawas te Ehipto.”

Numero 20:15

Is menge kepuun dey midhendiyà te Ehipto, ne neuǥet is ked-ubpè dey ziyà. Impaantus key wey is menge kepuun dey te menge Ehiptohanen,

Josue 1:6

Mebpekelig-en ka wey mebpekevurut ka, su iyan ka ebpengulu kayi te menge etew te ked-angken duen te tanà he impenaad ku ziyà te menge kepuun dan.

Josue 21:43

Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.

1 Samuel 10:18

Hein diyè dan en, midtudtul ni Samuel is migkaǥi te Nengazen, kes Megbevayà te Israel: “Impeǥawas ku sikiyu is menge Israilihanen puun te Ehipto; midluwas ku sikiyu puun te menge Ehiptohanen wey te langun he ginhedian he midaagdaag keniyu.

1 Samuel 12:6

Mid-uman megkaǥi si Samuel te, “Is Nengazen, iyan mibpilì ki Moises wey ki Aaron he nehimu he iyan pengulu te kepuun niw, wey sikandin is mibpeǥawas kandan diyà te Ehipto.