1 Samuel 12:2 - Manobo Western Bukidnon OT

² Guntaan duen niw en hadì he ebpengulu keniyu. Siak, nehimu a he pengulu niw puun pa te betan-en e pa taman guntaan piru meǥurang ad su uvanen e en, ne guntaan, duma niw en daan is menge anak ku he maama.

1 Samuel 12:2 ပူးပေါင်းရင်းမြစ်များ

Salmo 71:18

Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan.

Numero 27:17

he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

Josue 23:1

Seled te meluǥayad he timpu is kebeǥey te Nengazen te kelinew ziyà te Israel su wazè en sikandan mekepekidtebek te menge kuntada zan diyà te peliǥuy zan. Ne si Josue utew en meǥurang,

Josue 23:2

umbe impetawag din is langun he menge etew te Israel: is menge ebpemendumala, is menge pengulu, is menge zatù, wey is menge upisyal, ne ke sikandin diyà te kandan te, “Utew ad meǥurang.

1 Samuel 2:22

Meǥurang en utew si Eli. Netuenan din is langun he kenà meupiya he ed-ul-ulahan te menge anak din diyà te menge Israilihanen. Wey nezineg din daan he midhilevetan dan is menge vahi he ebpenilbi zutun te ǥemawan te Tulda he Edtelevukaayan.

1 Samuel 2:29

Guntaan, maan is egkevuten niw pa is menge pemuhat para kedì? Maan is iyan nu ibpelavi is menge anak nu kenà siak? Su ebeleǥazen nu sikandan he iyan dan ibpelambù is kandan he keugelingen dutun te menge meupiya he vahin dutun te pemuhat he ebpuun te menge etew ku he Israilihanen.

1 Samuel 3:10

Midhendiyà is Nengazen te ki Samuel he midhitindeg. Ne iring ded te nehuna he mibeelan din, mid-umew zin en maan si Samuel te, “Samuel, Samuel.” Ne migkaǥi si Samuel te, “Kaǥi ka, Nengazen su ebpemineg a is suluǥuen nu.”

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

1 Samuel 3:16

Ne mid-umew zin te, “Samuel, anak.” Midtavak si Samuel, “Hengkey, datù.”

1 Samuel 8:1

Hein meǥurang en si Samuel, mibpilì din is menge anak din he egkehimu he pengulu te Israel.

1 Samuel 8:20

Para egkeiringan dey is duma he menge nasyun he zuen dan hadì su wey zuen ebmandù wey ebpengulu kenami te kebpekidtebek.”

1 Samuel 8:3

Piru wazè dan sunuza is ulaula te amey zan. Edhuna ziyà te gehinawa zan is selapì, edawat dan te sipsip, wey edtuisen dan is hustu he kukuman.

1 Samuel 8:5

Ke sikandan te, “Meǥurang ke en; ne is menge anak nu ne wazè dan meiringi is meupiya he menge vaal nu. Guntaan, beǥayi key te hadì he ed-uwit kenami, iring te zuma he nasyun he zuen dan hadì.”