1 Samuel 12:17 - Manobo Western Bukidnon OT

¹⁷ Kenè be gulavung man heini he timpu is tiraǥun te trigu? Piru edhengyuen ku is Nengazen he iperuǥung din wey ipeuzan din. Ne zutun egkeisip-isip niw he mezaat bes diyà te etuvangan te Nengazen haazà is kebuyù niw te hadì.”

1 Samuel 12:17 ပူးပေါင်းရင်းမြစ်များ

Salmo 99:6

Si Moises wey si Aaron, dezuwa sikandan duen te menge memumuhat din dengan, ne si Samuel, sevaha sikandin duen te mid-ampù diyà te kandin. Nengumew-umew sikandan kandin ne midtavak din sikandan.

Exodus 32:30

Ne hein sunud he andew, migkeǥiyan ni Moises sikan is menge etew te, “Nekevaal kew te zekelà he salà. Piru edtekezeg a ǥuntaan kayi te vuvungan, diyà te Nengazen, su kela ke pezumdumahi zin ded is hangyù ku he peseyluwa kew zin te salè niw.”

Erubasa 26:1

Kenà ereg he ebpenggiyew emun gulavung ne kenè daan edrendeng emun tiraǥun, ne iring keniyan is tulebung su kenà dait he edeliǥen.

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Josue 10:12

Dutun te andew he mibpengelinteuwan te Nengazen he mezaag te menge Israilihanen is menge Amorihanen, mid-ampù si Josue ziyà te Nengazen diyà te etuvangan te menge Israilihanen, ke sikandin te: “Nengazen, ipepundu nu is andew ziyà te zivavew te Gibeon, wey ipepundu nu is bulan diyà te Suǥud he Ayalon.”

1 Samuel 12:13

Guntaan, heini en is hadì he mibpilì niw. Mibuyù niw sikandin, ne imbeǥey sikandin keniyu te Nengazen.

1 Samuel 12:19

Migkeǥiyan dan si Samuel te, “Edhangyù key kenikew he, pengemuyù ka ziyà te Nengazen he Megbevayè nu he kenè key pezem mebpematey, su neumanan dà is menge salè dey te kebuyù dey te hadì.”

1 Samuel 2:10

Id-awè din is menge etew he edsukul kandin. Ibperuǥung din is langit he tuus te kegkepeuki zin te menge kuntada zin. Su is Nengazen, edhukuman din is tivuuk he kelibutan. Tenged kandin egkehimu he gemhanan is pinilì din he hadì.”

1 Samuel 7:5

Mid-uman megkaǥi si Samuel ziyà te menge Israilihanen te, “Medtiǥum kew is langun diyà te Mizpa, su ibpengemuyù ku sikiyu ziyà te Nengazen.”

1 Samuel 8:6

Dutun midmezaat is gehinawa ni Samuel te ebuyuen dan, ne zutun nengemuyù sikandin diyà te Nengazen.

1 Samuel 8:7

Midtavak is Nengazen te pengemuyù din, ke sikandin te, “Tumana nu is egkeǥiyen dan kenikew; su kenè ka iyan mid-iniyuǥan dan, kekenà, siak.