1 Samuel 12:12 - Manobo Western Bukidnon OT

¹² Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 12:12 ပူးပေါင်းရင်းမြစ်များ

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Salmo 74:12

Iyan ka, Megbevayà, hadì dey puun pa zengan, ne kemahabet nu en libriya is menge etew kayi te kelibutan.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Hoseas 13:10

Mibuyù kew te hadì wey menge upisyal su midsarig kew he iyan sikandan ebpeketavang keniyu. Umbe tenged te kegkepauk ku ne imbeǥey ku sikandan diyà te keniyu, ne tenged te kegkeepes ku in-awè ku sikandan diyà te keniyu. Na, hendei en be is hadì niw wey is menge pengulu ziyà te kada inged he edlibri keniyu?

Numero 23:21

Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.

Zatù 8:23

Ne midtavak si Gideon te, “Siak wey is menge anak ku ne kenè key iyan ebpengulu keniyu, kekenà, iyan is Nengazen.

Zatù 9:18

Iyan, guntaan migkuntada niw is pemilya te amey ku. Mibpenhimetayan niw is 70 he menge anak din diyà te zivavew te sevaha zà he vatu. Ne midhimu niw he hadì si Abimelec, he anak te amey ku ziyà te esawa zin he suluǥuen din tenged dà te kezuzumahi niw sikandin.

1 Samuel 10:19

Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 8:3

Piru wazè dan sunuza is ulaula te amey zan. Edhuna ziyà te gehinawa zan is selapì, edawat dan te sipsip, wey edtuisen dan is hustu he kukuman.