1 Samuel 11:7 - Manobo Western Bukidnon OT

⁷ Migkuwa sikandin te dezuwa he vaka ne mibpenggetad din. Ne impeuwit din dutun te menge menunudtulà, ne midsuǥù din sikandan he ibpehendiyà te tivuuk he tanà te Israel he ebpenudtul te menge etew, “Iyan heini egkeulaula te vaka te etew he kenà eduma ki Saul wey ki Samuel te kebpekidtebek.” Ne zutun intaǥù te Nengazen diyà te gehinawa te menge Israilihanen is kegkehendeki zan ki Saul, umbe nesevaha zan is eduma ki Samuel wey ki Saul.

1 Samuel 11:7 ပူးပေါင်းရင်းမြစ်များ

Genesis 35:5

Ne hein migenat en dutun ensi Jacob, mibpengelinteuwan te Megbevayà he mahandek is menge meǥinged te menge siringan dan he inged, umbe wazè dan mezal-as ensi Jacob.

2 Cronica 14:14

Ne midezeetan dan is menge inged he nekelingut te Gerar, su mibpelihandek te Nengazen is menge meǥinged dutun. Mibpenguwa zan is menge azen kayi su utew zekelà is menge azen dan.

2 Cronica 17:10

Mibpelihandek te Nengazen is langun he menge ginhedian he nekelingut te Juda, umbe wazè dan mebpekidtebek ki Jehoshafat.

2 Cronica 19:7

Tehuza niw is Nengazen, ne hukum kew te hustu su kenà igkesuat te Nengazen he Megbevayè tew is kebpemintahà, wey kedhukum he zuen edepiǥan, wey iyan ibpevenar is ebpekeveǥey.”

Isaias 8:13

Siak, is Nengazen he Mekeǥeǥehem, kinahanglan he egkilelaan a keniyu he waǥas. Iyan a ereg he egkehendekan niw.

Zatù 19:29

Ne hein nekeuma sikandin diyà te kandan, mibpenamped din te 12 he vahin is lawa zutun te esawa zin ne impeuwit din heini ziyà te 12 he tribu te Israel.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.