1 Samuel 11:1 - Manobo Western Bukidnon OT

¹ Si Nahash he iyan hadì te menge Amunihanen, midhendiyà te inged he Jabesh Gilead duma is menge sundaru zin ne midlingutan dan su edsurungen dan. Migkaǥi ziyà te kandin is menge meǥinged dutun te, “Baal ka te kesebutan tew, ne ebpesakup key kenikew.”

1 Samuel 11:1 ပူးပေါင်းရင်းမြစ်များ

Genesis 26:28

Ne midtavak dan te, “Nesavut dey he is Nengazen eduma kenikew, umbe neisip dey he kinanahanglan he edhimu kiw te kebpekid-uyun duma zutun is penangdù. Penaad ka kenami

2 Samuel 10:1

Dutun te huziyan he timpu, minatey si Nahash he hadì te menge Amunihanen. Ne is anak din he si Hanun iyan nekeilis kandin te kedhadì.

2 Samuel 10:2

Migkaǥi si David te, “Ibpeehè ku ki Hanun is meupiya he kebpekidepitè ku kandin tenged te meupiya zaan is kebpekidepità te amey zin kedì.” Umbe impehendiyà ni David is menge upisyal para ibpeehè din is kebpekid-unung din te kelised ni Hanun dutun te kebpatey te amey zin. Piru hein nekeume en haazà is menge upisyal ni David diyà te tanà te menge Amunihanen,

2 Samuel 17:27

Hein nekeuma ensi David diyà te Mahanaim, ne migelǥelawan sikandan ni Shobi he anak ni Nahash he Amunihanen, he ziyà ed-ubpà te Raba, ni Makir he anak ni Amiel, he tig-Lo Debar, wey ni Barzilai he Gilyadnen, he tig-Rogelim.

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

1 Hadì 20:34

Migkaǥi si Ben Hadad diyà te ki Ahab te, “Id-ulì ku ziyà te kenikew is menge inged he mid-aǥew te amey ku ziyà te amey nu. Ne egkehimu ke edtukud ka te menge tindahan diyà te Damascus, iring te mibeelan te amey ku ziyà te Samaria.” Migkaǥi si Ahab te, “Edhimuwen ta heini he sevaha he kesebutan, ne ibpaawè ku sikew.” Umbe mid-uyun sikandan, ne hein nepasad impeǥenat sikandin ni Ahab.

1 Cronica 10:11

Netuenan te menge tig-Jabesh Gilead is langun he mid-ulaula te menge Filistihanen ki Saul.

1 Cronica 10:12

Umbe, migenat is langun he menge beǥani kandan ne migkuwa zan is lawa ni Saul wey is menge anak din, ne mid-uwit dan heini ziyà te Jabesh. Ne inleveng dan haazà is menge minatey ziyà te zizalem te zekelà he kayu ziyà te Jabesh, ne mibpuasa zan seled te pitu he andew.

Job 41:4

Ebpekid-uyun be sikandin kenikew he ebpeuripen kenikew seled te tivuuk he untung din?

Exodus 23:32

Kenè kew pekid-uyun kandan wey te menge ed-ezapen dan.

Isaias 36:16

“Kenè kew pemineg ki Hezekia! Iyan heini egkeǥiyen te hadì te Asiria: Kenè kew en pekidtebek kediey; surindir kew en! Ne idtuǥut ku keniyu is kegkaan te veǥas te paras wey higus niw, ne ebpekeinum kew te wahig diyà te menge punduwè niw te wahig,

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Jeremias 40:14

ne ke sikandan te, “Wazè nu ve metueni he si Hadì Baalis he hadì te Ammon midsuǥù din si Ishmael he anak ni Netania te kedhimatey kenikew?” Piru wazà medtuu si Gedalia kandan.

Ezekiel 17:13

Mibpilì sikandin te sevaha zuen te menge kevuwazan te hadì te Juda ne nekid-uyun sikandin kandin, ne impepenangdù din heini he mebpenilbi kandin. Mibihag din daan is lavew he menge etew ziyà te Juda

Deuteronomio 23:3

Is menge Amunihanen wey is menge Moabitanhen etawa minsan hentei te menge kevuwazan dan taman te ikesepulù he lapis, ne kenà egkehimu he edtampu te upakat he para te Nengazen.

Zatù 10:7

Tenged kayi nepeukan sikandan te Nengazen ne mibey-anan din sikandan he mesakup te menge Amunihanen wey te menge Filistihanen.

Zatù 11:4

Dutun he timpu ebpetebekà is menge Amunihanen wey is menge Israilihanen.

Zatù 21:8

Dutun migkaǥi sikandan te, “Hengkey he tribu te Israel is wazà medhendiyà hein midtiǥum kiw ziyà te etuvangan te Nengazen diyà te Mizpa?” Netuenan dan he wazà minsan sevaha zutun he tig-Jabesh Gilead,

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.

1 Samuel 14:47

Hein kedhadì ni Saul te Israel, mibpekidtebek sikandin te nekelingut kandin he menge kuntada zin. Iyan heini menge kuntada zin: is menge tig-Moab, menge tig-Ammon, menge tig-Edom, is menge hadì diyà te Zoba, wey is menge tig-Filistia. Is minsan hentei he kuntada zin ne egkezaag din.